Poesie (Porta)/68 - Sonetti stampati sul secondo numero del giornale "BIBLIOTECCA ITALIANA"/11 - Quand i nost vicciuritt e i fiacaree
 |
Questo testo è completo. | |
Carlo Porta - Poesie (XIX secolo)
68 - Sonetti stampati sul secondo numero del giornale "BIBLIOTECCA ITALIANA"
11 - Quand i nost vicciuritt e i fiacaree
11 - Quand i nost vicciuritt e i fiacaree
...e nella moderna Italia forestiere come nell’antichissima Roma vuol dire inimico...
Pag 178
Quand i nost vicciuritt e i fiacaree
mennen intorna on Milanes a spass,
ghe diraven a chi gh’el domandass,
che mennen in carrocia on forastee.
Quand i nost sciori inviden on vivee5
de sò amis Milanes a refiziass,
hin solet digh al coeugh de regolass
che gh’han di forastee tant che sia assee.
E lu ch’el stà chì inscì a sceppà i radis
l’ha el coragg de stampann in sul muson10
che in Milan forastee el voeur dì nemis?
Ah! on’oltra voeulta, innanz trà lì secch secch
de sti goffad, con tanta presunzion,
ch’el consulta el cervell, minga i busecch.