Poesie (Porta)/69 - A ON CONTIN BERGAMASCHIN CHE FA EL BRUSCHIN CONTRA DI MENEGHIN
 |
Questo testo è completo. | |
Carlo Porta - Poesie (XIX secolo)
69 - A ON CONTIN BERGAMASCHIN CHE FA EL BRUSCHIN CONTRA DI MENEGHIN
| ◄ | 68 - Sonetti stampati sul secondo numero del giornale "BIBLIOTECCA ITALIANA" | 70 - EL VIACC DE FRAA CONDUTT | ► |
A ON CONTIN BERGAMASCHIN CHE FA EL BRUSCHIN
CONTRA DI MENEGHIN
Oh carin, beattin, mattin, smorbin,
arcadin, poettin, ciccin, contin,
puresin col tossin che in Parnassin
pien d’estrin fa frin frin col ghittarin.
Pian pianin, bell bellin, ch’el troppo foghin5
nol te scalda el pissin, contin, ciccin,
te preghi per mammin, per paparin,
per tutt i bortolin Bergamaschin.
Te preghi per l’acquin del fontanin
che lava el mostaccin de Doridin10
in sul poggin verdin, freschin, gingin.
Infin te preghi per el cardeghin
dove te fee settina a fà cacchin
e a fà versin de tutt e duu i boggin.