76 - RISPOSTA A ONA LETTERA IN VERS D'ON AMIS AMMALLAA CONT ON BUGNON
../75 - Ma saal, sur rima in lella, che a dì pocch
../77 - PER EL MATRIMONI DELLA SURA VIOLANTINA PORTA COL SUR ANTONI LANDRIAN
IncludiIntestazione
27 settembre 2008
75%
poesie
RISPOSTA A ONA LETTERA IN VERS
D’ON AMIS AMMALLAA CONT ON BUGNON
Per l’abbondanza porca bolgironna
che somenen al mond i vers e i rimm,
compatissi el tò pret mì per el primm
s’el te secca la pippa e s’el tontonna.
Magara inscì quell’olter pret mincion5
che m’ha insegnaa a zappà in del carimaa
l’avess faa onor al mè primm vers che hoo faa
cont ona bona salva de coppon.
Ch’el m’avarav almanch schivaa l’impicc
de scusamm tutt i dì con certi goff10
che vorraven di rimm su tutt i loff
come se i rimm se fassen cont el ghicc.
Ma adess ch’el maa l’è faa già l’è tuttuna.
Sont vecc, e quant a mì gh’è pù remedi;
e in quant a tì pò dass! ma infin prevedi15
ch’el tò sur barba el bajarà a la luna.
Perché quand no te rivet a desverges
de la smania di vers nanch coj bugnon,
no cred ch’el possa indutt a la reson
s’el drovass anch el manegh de l’asperges.20
Intant per el bugnon la providenza
la t’ha giamò lì bell e preparaa
quatter fraschett de malba, el pan grattaa,
el lacc, i piumazzitt e la pascienza.
Tant che speri in virtù de sta rizetta25
de vedett posdoman svelt e spedii
a lassà la crosera di ferii
per ciappà post in quella di poetta.
