Poesie (Porta)/8 - I paroll d'on lenguagg, car sur Gorell
 |
Questo testo è completo. | |
Carlo Porta - Poesie (XIX secolo)
8 - I paroll d'on lenguagg, car sur Gorell
| ◄ | 7 - Scimes, pures, bordocch, cent pee, tavan | 9 - Gh'è al mond di cristian tant ostinaa | ► |
I paroll d’on lenguagg, car sur Gorell,
hin ona tavolozza de color,
che ponn fà el quader brutt, e el ponn fà bell
segond la maestria del pittor.
Senza idej, senza gust, senza on cervell5
che regola i paroll in del descor,
tutt i lenguagg del mond hin come quell
che parla on sò umilissim servitor:
e sti idej, sto bon gust già el savarà
che no hin privativa di paes,10
ma di coo che gh’han flemma de studià:
tant l’è vera che in bocca de Usciuria
el bellissem lenguagg di Sienes
l’è el lenguagg pù cojon che mai ghe sia.