Poesie milanesi/II - Sestine/A la sura Lenin Millesi

Da Wikisource.
A la sura Lenin Millesi

../El viagg de fraa condutt ../El romanticismo IncludiIntestazione 27 dicembre 2020 25% Da definire

II - Sestine - El viagg de fraa condutt II - Sestine - El romanticismo
[p. 131 modifica]

A LA SURA LENIN MILLESI1

(-1816)


BRINDISI.


     Se (uss bon de fa vers a 1* improvvisa,
Sí che vorev fa el mut in st’occasion!
Ghe giuri che vorev dagh dent de frisa2,
E el giuri d’onorato buseccon.
Sont galantomm, e quand ghe rivi a di
Che sont on asen, ch’el le creda a mi.

     Che del rest, se godcss sto don del ciel,
Nanch per insogn che la vorev pientá;
Ma vorev propi propl stagh al pel3
Ai tante cortesij che la me fa,
E inscambi de confondem e avvilimm,
Vorev almanch respondegh per i rimm.

     E tanto mej poeíi adess che la me iruiga
Con quell so ton cordial, con quell cerin,
Con quell fa insci grazios, eh* par ch’el diga
Fatt coragg, dí pur su, el me meneghin,
Che infín dopo disnaa per rid de coeur
Hin giust quatter sproposet che ghe voeur.

     Sproposet? nò per brio! Adasi on poo;
Gh’hoo la botta secretta4 Sciá el biccier:
Viva, sura Millesia, el so beli eoo,
El so beli anem, el so coeur sincer;
Viva ci so spiret che se pò cercali
Via de sti mur, ma stantá assee a trovali.

[p. 132 modifica]


     Viva, sura Millesl, quell tusscoss
Che fa corr per la bocca la saliva
De tucc quij che le tratta e el le cognoss;
Evviva donca, milla voeult evviva.
Hala mò vist adess se a sto proposet
Gh’hoo arnní la vergna5 de sparmí i sproposet?



Note

  1. Milesi Elena di Milano, madre di Bianca Milesi (1790-1849), che dal 1823 fu moglie del medico Carlo Mojon a Genova, ardente patriotta, cospiratrice e letterata.
  2. dagh dent de frisa: mettermi con impegno.
  3. stagli al pel: corrispondere.
  4. botta secretta: ispirazione secreta.
  5. la vergna: il modo.