Primavere

Questo testo è completo.

Primavere

Gabriele Paciani

XVIII secolo

Informazioni sulla fonte del testo

Iè ca la nestre ciare primavere
sfluride anci’ chest an e dute in gale,
vegnude a meti fûr arme e bandere
cuintre cului cu à ’l pilizzòn in spale.

Vedele cà la biele furistere
che in fazze legre ognun ridint ’nus ciale
e in at bizzâr puartànt une frutiere
di rosis d’ogni sorte ’nus regale.

Lu cîl ’l è serenât, mene la tiare,
si viest lu len e l’ucilút al ciante,
legri salte l’agnel a l’aghe clare.
’L è un paradîs pe diferenze tante
da chel che al è cumò a chel cu iare:
l’inviâr si pò dî infiar e tu une sante.