Prose e poesie bellunesi 2010/Su le ale

Da Wikisource.
Gabriele Riva

Su le ale ../38 ../40 IncludiIntestazione 28 agosto 2015 25% Da definire

38 40


GABRIELE RIVA (1975)


Su le ale.

Nte l canton de n ostaria
drio na tola lustra e voda
le ós de la dent, come pite sturigade,
le me sbusa le rece,
le me incioca i pensier.

Del liber sot ai oci
nó resta che foi bianch,
l encioster el s à smarì
ciucià da la confusion,
sbiadì dal gran bacan.

Sgola ia lontan, pensier!
Passa anter ste lastre e slontanete da cua.
Assete ndà, ledier, ciar, zenza pecà.
Verdi fora le ale grande,
che nó i te ciape, che nó i te lighe.

Mi intant tramude in là el mè got pien,
me leve su e pò salude.
Fora da la bolgia torne inte de mi
e co na ociada al sol
me son inascort de ti.

(Oltach)