Prose religiose genovesi del sec. XIV/De le vertue et de li vicii/Forteza

by Autori vari

../Iustixia

../Fe IncludiIntestazione 20 settembre 2014 75% Da definire

Questo testo è completo.

Autori vari - Prose religiose genovesi del sec. XIV (XIV secolo)

De le vertue et de li vicii - Forteza

◄

De le vertue et de li vicii - Iustixia

De le vertue et de li vicii - Fe

►

L

a vertue de la Forteza si he vertue chi fa lo quor forte et soferente a sostegnei ogni aversitae et ogni molestia te^mporal; questa he in l'animo et in lo quo, [non in] le menbre de lo corpo. Et da questa vene tanta fermeza a la p^ersona chi l'a, che niguna cosa no la po veⁿze; tuto lo mondo no porea vence una p^ersona in la qua fosse veraxe forteza d'animo. Ase^mpio avemo de le sante vergene matire^[sic] che le losenge de li tirani, ni le menaze, ni le inpromision, ni li grevissimi tormeⁿti no le poeivaⁿ veⁿze, iⁿperò ch'ele aveivaⁿ la vertue de la veraxe forteza. Et p^erzò diseiva beⁿ quello savio Senecha, che l'e pu lengera cosa venze una moⁿtitudeⁿ de geⁿte, cha veⁿçe una p^ersona chi abia la vertue de la forteza; la raxon si he, che la forteza de lo corpo si se po venze, ma la forteza de l'animo et de lo quor si he invenciber, et iⁿp^erzò dixe che la forteza de lo corpo he quasi nieⁿte senza la forteza de l'animo. Unde un homo coraioso, cu^m meⁿ forteça corporá, si vegamo veⁿçe un de pocho cor quor, lo quar averà pu forte corpo cha lé. Unde quelo santo Neemia dixe, che lo nostro segnor Dé si s'alegra monto de la forteça de li soi s^ervi, imp^erçochè cu^m questa arma se veⁿçe li nimixi de Dé, et si dà la corona de gloria a li forti s^ervi de Dé. Et grande besogno n'avemo de questa forteza in lo stao de questa p^resente vita, duⁿde noy semo. Che questo moⁿdo si he logo de graⁿde affano et de grande travaio, de graⁿde tentacioⁿ et de grande bataie, et p^erzo avemo grande besogno de la vertue de (la vertue) la forteza; che questo muⁿdo si he un ca^mpo de bataia, duⁿde se proa chi he bon co^mbateor; p^er zò dixe Domenidé a quelo capitaneo de lo so povo, chi ave nome Iosuè: "Coⁿfortate et abi bon quor et forte, et entra in la bataia ardiameⁿti contra li nimixi mé, et co^mbati valeⁿtemente, che he serò cu^m teigo et averai la vito^ria".

Or devei savei, che questa forteza a tree cose he afigurá in la scritura divina. Prumerameⁿti a la fornaxe unde¹; a la raixe chi sosteⁿta l'arboro; a la coiraça, chi defende da li corpi.

La forteça, digo, si se proa in la fornaxa de le tribulacioⁿ et de le p^ersequcion; et cossì como la fornaxa fa l'oro piairo et luxente et purificao, così la forteça iⁿ le p^ersequcion si fa l'anima piaira et luxeⁿte et purificá da gnuⁿcha ruceⁿ de peccao, et luxeⁿte in lo conspeto de Dé et de tuta la corte de cé; et si fa tuta la p^ersona honesta et bella in lo conspeto de lo muⁿdo. Et p^erzò dixe Salamoⁿ in li prov^erbij: Fortitudo et decor iⁿdumeⁿtu^m ei^us et ridebit in die novissimo.

Aquora^[sic] la forteza si he asemeiá a la raixe de l'arboro, la quar sostenta et reze tuto l'arboro et le rame et le foie et li fruti. Cossì la forteza si sosteⁿta et reçe tuti li meriti, tute le overe bone che noi fazamo et tute le vertue. Che chi no fosse paciente et sofereⁿte cu^m p^erseveraⁿza tanfiⁿ a la fin, tuto serea p^erduo zo che noy avesemo faito. Quia noⁿ qui incep^erit, sed q^ui p^erseveraverit hic salvus erit.

Anquora la forteza si e asemeiá a la bona coiraza de p^roa, la qual no teme li vereton ni le feríe de li nimixi; cossì la forteza si he una forte coiraza chi no teme le saete ni li vereton de li demonii, ni le p^ersecucion de la gente, ni de niguna aversitae. Imp^erzo che questa fo^rteza si he una vertue divina, chi veⁿ da çé; p^erzo dise Iuda Machabeo a lo povo de Dé, chi devea co^mbate contra li nimixi de Dé, chi temeivaⁿ d'intrá in la bataia, p^erzo ch'eli eraⁿ pochi et li nimixi asay: "Andai segurameⁿti et no temi, che da Dé de lo çé ve ve^rrà la forteza, chi ve darà la vitoria de li vostri inemixi". Et così fo faito, che p^er la vertue de la forteza divina li pochi si venzè^[n] li asay.

L

o contrario de la forteza si he pusilanimitae, zo he avei vicioso timor; et a cognosce quar he lo vicioso timor, si demo savei che le son sexe specie de timoy. Diremole tute, et poa se cognoscerà qual timor e ré et qual e bon.

Lo prumer timor si he apelao natural, he questo no he ni vicioso, ni virtuoso; lo timor de la morte si he timor naturá, chi no he pecao, ni vertue. Criste etiaⁿde si ave quelo timor, segoⁿdo che dixe saⁿ Mathé: Cepit Jesus pavere et tedere; et Criste dise: Tristis e^st aⁿi^ma mea usque ad morte^m. Questo timor no he suietto a lo libero arbitrio et p^erzo helo no he pecao.

Lo seguⁿdo timor si he apelao timor human, quando l'omo tanto sop^erbiosameⁿte teme la morte corp^oral ch'elo no teme de p^erde la vita de l'anima. Questo timor ave sa^m Pé quaⁿdo elo renegà Criste, p^er paor de la morte, et questo timor si he vicioso et ré. Et p^erzo dixe Criste: "No abiai paor de queli chi no pon ocíe noma lo corpo, ma abia[i] paor de quelo chi po ocíe lo corpo et l'anima et mandá l'uⁿ et l'atro in lo fogo d'iⁿferno.

Lo terço timor chi etia^mde he vicioso, he apelao timor muⁿdan, quaⁿdo l'omo teme pu de p^erde le soe cose te^mporá che da p^erde Criste. Et questo timor ave^m li Zué, ch'eli ave^m maor paor de p^erde lo regno temporar che lo celestial et pezo ocise Criste et p^erdè^m l'uⁿ et l'atro.

Lo quarto timor si he apelao timor s^ervil, zohe de s^ervo, che lo s^ervo s^erve pu lo segnor p^er paor d'ese batuo, che p^er amor ch'elo g'abia; questo timor si he in parte bon et in parte ré; hel'e in taⁿto bon, che p^er la paor de le pene de l'inferno l'omo s'asten de mal far, ma el'e iⁿtanto (el'e) ré ch'elo no se n'aste^m p^er l'amor de Dé, ma solameⁿte p^er la paor de le pene; che, se no fosse quella paor, ello no laxereiva ch'elo no fese lo pecao. Unde san Zohane dixe, che chi ha q^uesto timor, no he p^erfeto iⁿ la caritae.

Lo quinto timor si he apelao timor iⁿiçial, de lo qual dixe David, in lo salmo: Iniciu^m sapieⁿcie timor d^omini. Aquora q^uesto timor no he p^erfetameⁿti bon, ma el'e pu da loar che da biasmá, che qua^mvisde che p^er la paor de la pena l'omo scive lo pecao, nieⁿtemeⁿ elo la sciva priⁿcipalmeⁿti p^erzò ch'elo teme de despartise de Dé. Si che questo timor si sovermoⁿta a q^uelo; ma anchor p^erzò chi ha paor de le pene no he p^erfeto iⁿ caritae, che la p^erfeta caritae si descaza da si questo timo et questa paor; zo dixe san Zoane.

Lo sexto timor si he apelao timor filialis, zo he timor de fiio: che chosì como lo bon fiio teme de offende lo paire sover tute le cose, p^er lo grande amor che elo gi porta, beⁿ che elo sapia che de quela ofeisa elo no de eser batuo da lo paire. Così chi ha q^uesto timor in ver de Dé, a semeiaⁿza de lo boⁿ fiio, si teme et si se guarda da offeⁿde lo Paire so celestial, ecia^mde se elo fosse certo che de q^uela ofeisa elo no devesse mai portá niguna pena, ni punicion; et de questo timor dixe David iⁿ lo salmo: Timor d^omi ni semp^er manet iⁿ seculu^m s^ec^uli; zo he a di, che chi ha q^uesto timor no ha mai fin, ni iⁿ q^uesto muⁿdo, ni iⁿ l'atro, che l'anima iusta et saⁿta si lo porta cu^m seigo iⁿ paraiso, ni mai he ni s^erà seⁿza q^uesto timor; ma q^uesto timo^r no he penoso, ma he piⁿ d'alegreza et de deletacioⁿ; et q^uesto he un de li sete don de lo Spirito Saⁿto; et tuti q^ueli chi an q^uesto timor, si su^m si abraxai et aceisi de l'amor de Dé, che eli amaⁿ pu Dé che lor mesmi. Unde saⁿto Agustiⁿ dixe, che li saⁿti de paraiso, se Dé volese ch'eli fosseⁿ enter l'inferno, eli ge voreaⁿ esse iⁿ piaser de Dé, avaⁿti che esser iⁿ paraiso iⁿ despiaxer de Dé; et q^uesto p^erche? iⁿ p^erzo che eli amaⁿ pu Dé che lor mesmi, ni no voreⁿ atra cosa nixuna noma zo che Dé vo. Chaschauⁿ duⁿcha chi ha iⁿ q^uesta vita q^uesto sexto ramo de timó, si ha paoira de offende li ogi de l'amaⁿtissimo Paire etia^mde se ello savesse et fosse certo che de quela ofeisa no devesse ma avei niguna pena ni punicion. Dé p^er la soa gracia ne coⁿcea et ne daga q^uesto timor.

Ameⁿ.

1. v. discussione