Suns ed accords/10
 |
Questo testo è incompleto. | |
| ◄ | 9 | 11 | ► |
La mumma romontscha silla fossa de G. C. Muoth.
„Tgei bragias, mumma, uss puspei,
Tgei vas en rassa nera?“ —
„Il zen de miert tuchei, tuchei,
Vegni cun mei a Cuera:
5 Miu mat, miu meglier cantadur
Ei mess sin baun en bara!
Tgei sperdita e tgei dolur
Per mei e tut la
tiara!“
Il patriot vegn compognaus
10 Sigl ault e vegl santeri.
Siu cor leu da tschupials curclaus
Po en ruaus star eri:
Mo ina mumma vegn pliront
Neutier la foss' ornada,
15 S' enclin' afunds spel car affont
E plaida commuentada:
„Plirei cun mei, o cantadurs,
Bargi cun mei, o Musas,
Stei mal vischins romontschs e purs
20 Sin spundas montagnusas:
Quel ch' inflamava cors grischuns,
Il meister de balladas,
El conta buca pli canzuns
Las lefzas ein serradas!
25 O niebel fegl, has dau honur
A la materna viarva;
A tiu cantar schi plein vigur
Il cor grischun sesarva.
Mo uss eis ti setratgs navent
30 Scadin romontsch quei senta;
Negin pli ha sco ti talent
E la premur' ardenta.“ —
Aunc ditg pil fegl, il gienial
La buna mumma plonscha . . .
35 Cheu port' in aungel celestial
In plaid a la Romontscha:
„Tiu cantadur schiditg sco ti,
El stat cheu en memoria:
Ch' el resti verds, siu bi tschupi,
40 Quei ha quitau l' historia.“