Suns ed accords/11
 |
Questo testo è incompleto. | |
| ◄ | 10 | Suns ed accords | ► |
A mia violina.
Amitga de mes giuvens ons,
O buna violina,
Pos mai vegnir tier mei danvons,
Ti giegia neidia brina:
5 Neu giud la preit en bratsch a mi,
Jeu stemel tei uss pli e pli.
Sch' jeu prendel tei entuorn culiez,
La fatscha encunter fatscha,
Mes mals jeu sentel pli mo miez,
10 Miu schar encrescher scatscha
Igl artg energic el maun dretg,
Che cloma ils tuns de dultsch deletg.
Cu hirondellas cun giblar
Cheu sgolan en ed ora,
15 La sera denter stgir e clar,
O giegia ti sonora,
Tiu tun rebatta en miu suler
Sco cant d' utschals leu sil clutger.
Dals mirs resunan ault e bass
20 Bein dultschas harmonias;
Cun mia giegia mont a spass
Dad autras compagnias
Bugien jeu stun dalunsch retratgs
Sunont mes siemis e patratgs.
25 O violina en miu bratsch,
Regal de mia Musa,
Ti has tendiu a mi in latsch,
Vul esser mia spusa? —
Gie, baul nus essan s' empermess,
30 E l' affecziun ha fatg progress.
Gliei ver, ti vesses meritau
Manutta bein pli fina,
In trubadur bia pli versau,
Ti legra violina:
35 Denton cun serius quitau
L' emprema ligia hai salvau!
Amitga de mes giuvens ons,
Compogna delicata,
Pos mai vegnir tier mei danvons,
40 Migieivla camerata:
Dal cantadur pren quei tschupi,
Lai metter en tiu det gl' ani!