'Na memma lungia nun voless

Da Wikisource.
Jump to navigation Jump to search
romancio

Andrea Vital 1908 N Indice:Decurtins - Rätoromanische chrestomathie, IX.djvu poesie 'Na memma lungia nun voless Intestazione 22 febbraio 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Nuvola apps bookcase.svg Questo testo fa parte della raccolta Rätoromanische chrestomathie


[p. 43 modifica]Scarica in formato ePub Volkslieder 50%.svg  di Autori vari

17.

(Annalas XIV, Vital, p. 207/8.)

a.[modifica]

'Na memma lungia nun voless,
'Na memma lungia matta,
Cha cur ch' eau he da l' abbratscher,
Chi pera be 'na latta.

5 'Na memma pitschna nun voless,
'Na memma memma pitschna,
Cha cur ch' eau he da l' abbratscher,
Chi per' ün puogn d' ravitscha.

'Na memma grossa nun volless,
10 'Na memma memma grossa,
Cha cur ch' eau he da l' abbratscher,
Am per' ün sach plain d' ossa.

'Na memma stiglia nun voless,
'Na memma memma stiglia,
15 Cha cur ch' eau he da l' abbratscher,
Chi pera 'na claviglia.

'Na memma trida nun voless,
'Na memma memma trida,
Cha cur ch' eau he da l' abbratscher
20 Chi pera be chi 'm sgrischa.

'Na memma bella nun voless,
'Na memma memma bella,
Cha cur ch' eau he dad ir davent,
Cha 'ls oters vaun tar ella.

25 'Na mezdanetta 'vess gugent,
'Na bella mezdanetta,
Cha cur ch' eau he da l' abbratscher,
Chi pera chi 'm daletta.

[p. 44 modifica]b.

(Annalas VII, Derin p. 57/8.


Scha vus vezais meis Jon dret sü
Schi dschè ün pa ch' el vegna,
Sch' l' ha cumanzà a far l' amur
Schi dschè ch' hel la mantegna.

5 Na memma granda non vuless,
Na memma, memma granda,
Cha cur ch' eu n' ha da la branclar
Schi par' la üna liangia.

Na memma pitschna non vuless,
10 Na memma, memma pitschna,
Cha cur ch' eu n' ha da la branclar
Schi par' l' ün puogn ravitscha

Na memma bella non vuless,
Na nemma, nemma bella
15 Cha cur ch' eu n' ha dad ir davent
Am lasch increscher d' ella.

Na memma trida non vuless,
Na memma, memma trida,
Cha cur ch' eu n' ha da la branclar
20 Am para ch' eu am sgrischa.

Ma menzolina eu vuless,
Üna menzolinetta
Cha cur ch' eu n' ha da la branclar
Schi para ch' eu 'm daletta!


18.

(Annalas XIV, Vital p. 227 — 29.)

Nel chalender vain nomnà
Tuot las sias insainas,
E landroura vain chattà
Tuot las malas femnas,
5 Chi non san as soffrir,
Chi non san as convgnir,
Sun sco chan e giatta,
     Sovent as chatta.