1913 ʼn salut a Segnieur Pluvan
 |
Questo testo è da formattare. | |
1913 ʼn salut a Segnieur Pluvan 1938 ʼn occasion de ti messa nevella d’ arḡent.
1)
Cìe jelpa che s’ ha abinà tan de ḡent addum
Da uni pert d’ la val y for maḡer ven ʼl grum
Dutć furnì cun si plu bel guant
Che ʼl fova da giatè te cassabanc.
2)
Se eise pazienza vuei pa ben v’ l dì
Ciuldì che dutć je furnì ʼncuei da san dì
Che da giut ʼn ca sonse bel ʼn cunfertà
Sun ch’ŝ bel dì da dutć desidrà.
3)
A santa Crestina audivun sunàn
La gran ciampàna traŝàn mo a man
Dan 25 anni je ches suzedù
Y per chel ulesi mo ve dì velc de plu.
4)
ʼl fova de noŝ Segnieur Pluvan la messa nevella
Y cìe festa jepa mo tan bella
Che cànche ʼn pröve ʼl prim jede sun autèr ʼl va
Per celebrè la santa messa y la bendiŝiòn nes da.
5)
Cie nes da pa ʼn pröve, ulessi damandè
Je creie che se a cuntè su un uless’ scumencìè
La traŝès ʼl ora long, ʼl ne fos bon de finè
Che tan truep de ben ʼn pröve n’ es po fe.
6)
Chel pudònse dì de noŝ bon Segnieur Pluvan
A udei si leur ch’ la for fat ann per ann
Che se dut ʼl leur ch’ l ha fat te ʼn jede ʼn l’ udès
Me ʼn fidi a meter pèn, che truepes se sperdes.
7)
De dì y suenz mo de nuet al per neus laurà
Zenza damandè da valguni ʼn sentigrà
O per ulëi da ches mont unì laudà
Ma ʼn di o lauter uniràl da Iddie premià
8)
ʼl ha suenz avù muejes, festides y creuŝes
De scola cun chi pitli meures
Ma ʼn cie suenz cun neus grantć
Samben, neus ne son mefun endeno degun santć.
9)
Tʼ l Confeŝional jel stà truepissima eures
A nes to ŝu ʼl peis a neus puere piciadeures
Y uni dì pro la santa messa ne hal cunedì
Dut cìe ch ʼl ha fat de ben ʼl ne ʼn ìe da descri.
10)
Y sen ve bincions mo che resteis for ʼn ton
Y sun voŝ leur da Iddie la bendiŝiòn
Che a vosta messa nevella d’ or mo viveis
Y che robust y san mo ʼn leuta seis.
11)
Per chel ulonse ʼncuei ringraziè
Che bel Iddie y da nuef lʼ perjè
Che ʼl nes laŝe noŝ bon Pluvan mo truep dis
Che pudon ʼl saludè ʼn di o l’ auter sun Paravis.
12)
Y sen ve preij vo dutć addum
ʼn cie chei che ne n’ iè de ch’ sta chemun
De fe na viva a noŝ Segnieur Pluvan
Che i po audì magari ʼn fin te Plan.