A Segnëur Pluan da S. Cristina Don Andrea Pramstrahler
 |
Questo testo è da formattare. | |
A Segnëur Pluan da S. Cristina Don Andrea Pramstrahler per si Sant Inuem; ai 30 de Novëmber 1925.
Dutta la mutans ie tlo
Cumparides dant a Vo,
Per bincë drët truep de bën,
Per bincë dutt ch’ el chʼ ëis gën.
Ch’ ëis da goder cuntentëzza,
Te vos stato allegrëzza,
Truep fortuna i sanità,
Te vos lëures fortunà.
Ch’ ëise gën la gënt da tlo,
Coche dutts v’ a ʼnce gën Vo.
Come prève dutt ʼl bon
Drët de cuer nëus Ve bincion.
Da ʼn sant inuem po iel usanza,
Canche n’ ie tla gran mancanza,
Dëssun de ʼnce vèl presënt,
Ch’ un a gën i ie cuntënt.
I ʼl plu gën, o Segnëur Pluan,
Nëus savon che ëis chest ann,
No vèl ciof te ʼn gran buchèl,
Ie pu ʼl vèdl mo tan bèl.
No a Vo vèl pitl puech,
Ma per ʼn n’ autra cosa truep:
Per la ciampanes, ch’ ëis petlà
mëns ʼntieres abinà.
Tulëde ʼmbën, Segnëur Pluan
Ches pue de zèch de “bona man”
Dla mutans ʼn pue de cherianza
I na pitla ricordanza.