Ciacules y batules

Da Wikisource.
Jump to navigation Jump to search
ladino

Ujep Antone Perathoner C Ciacules y batules. Intestazione 19 maggio 2016 25% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Ciakules i batules.


1.
Do messa sun eur de kurtina
Se nbat la vedla Talina,
La fenna da Piere fume
Kun Moidl a ciakule.
Cie arales ma mei ino
N kuei ti tenieles pro.

2.
Da uni sashon del ann
Les veishun batulan.
Sibe freit o sibe ciaut
La musa ales npont aut.
De kesch i de l auter reshoneles
De duta la val kujoneles.

3.
“I mutons de Luisa de Stina.”
Skumencia anda Talina,
“De plu stlec nen saral da giape,
Te dutta la val da urte.
Da uemes i nia dando
Ulessi mo vester le pro.”

4.
“Dla muta ne uei ncie rushne”
Skumencia Moidl a kunte
“La mashra sabiona del luek
A di l aurita i puek;
Brave, menti i se skasse
Vel d auter ne sala da fe.”

5.
“Kl gurmel de Jana de Stina
Respuent ino anda Talina,
“N kuei l es segur ududa
Cie seida, cie moc, cie paruda,
Cie filzes cie zandli cie pic
A vester plens de debic.”

6.
“Kla Menza segur es udu
Ko dishesa Moidl sen tu!
Mostra de spizza de freda
Je dut l di per streda
Vel d auter n arala da fe
Ke ste a ciakule.”

7.
“Ki je pa ka via n kurtina”,
Damanda sen anda Talina.
“Kla udlana la su de Kustacia
I Kustanza da Pedracia
Klara la su da Pilon
I Moniga da Bugon.”

8.
“Kla sheuna de Zia dai sauc
Ciantova la messa sui auc,
Barblon la su da Koi
Traschova su aut i foi.
Marcion de Shan sarteur
Kuletova kul valon n teur.”

9.
Truepes n kontles de telles
De bella i de burta novelles
N fin k i sona mesdi
Po penseles permo a sen shi.
„O lasheme schi a kushine.“
L uem po ben spite.

10.
“Je espa mo truep da te kunte,
Ma n ause m arshume.
Do dliesha s udonse n schi.”
Disch Moidl mo dan sen shi.
N kuei i te diesch dis mo lepro
Ne la fines giu no ko.