Cjançonete furlane

Da Wikisource.
friulano

1728 testi friulani del XVIII secolo Cjançonete furlane Intestazione 11 novembre 2021 75% Da definire

Jo vuei fà una chianzonette

Io vuei fà una chianzonette
in te lenghe me furlane
alla chiare domble mè
parche à dile nette e sclette
io soi cert che sol mi ame
e conserve la me fè.

Se savessis come chiare
e iè cheste me polzette
à nò amale l’è pecchiat
io hai but buine capare
de sò fede nette, e sclette
à iè sole il cor iai dat.

Se vedessis cè presintie
ce biel sest ce bielle ciere
par amale muf un clap;
us al dis in me cuscientie
sal fus dur plui d’une piere
ogni cur devente flap.

Se mi chiale e iá dos stellis
che mi svarbin squasi il voli,
se fevele io soi quet,
e dos rosis de plui biellis
à vedelis mi consoli
sul mustaz parte perfet.

Se chiamine al par che balli
cun chei pas ben concertaz
e cun sest di balarin,
io soi ciert parcè no fali
duch’ i pas ben messedaz
ia di bal plui soprafin.

Se sentissis quand il chiantà
quant’, che ié par la campagne
cú lis bestis à passon
us fares di clap restà
che sintindile par diane
us fares restà un minchion.

Simpri legre, simpri chiare
simpri leste, è giuvial
ié d’ogn’hore, e dut il dí;
iè nò và mai fur di square
sà, si dis ò ben, o mal
iè furfante à plui nò dí.

Ie nò par mai contadine
mà di vere zintildone
iè possed, i nobij traz;
è pur puare, e meschine
iè fas simpri, e nò perdone
de sò vite gran strapaz.

Se plui puare d’une bestie
e fos senze une chiamese
no m’impuarte nuie par chest;
stîmi plui la so modestie
che le robbe di gran spese
che finis pur simpri prest.

A’ mi al tocchie mantignile
è sè ves anch buine dote
io no pensi un bagatin;
hai tanchg chiamps in te me ville
che in bondanze la raccolte
io ha fas di pan, e vin.

Io nò vuei lassà manchià
e lú dis cun gran costanze
nuve ciart in sí, che pues;
sarà simpri di mangià
in me chiase con bondanze
buine chiar, e dal bon pes.

Nanchie un sold vuei vía butà
è vuei dutte la me entrade
par ie sol tignile à man
simpri afiet io i vuei purtà
la sai che ie inamorade
di me dongie, e di lontan.

Iò finis la chianzonette
parce stuf soi di chiantà
cha le stat par mio solaz
parce à dile nette e sclette
io di cà indenant vuei fà
nò peraulis, ma faz.