Cudesch della Duttrina Catholica

Da Wikisource.
Jump to navigation Jump to search
romancio

C Indice:Decurtins - Rätoromanische chrestomathie, X.djvu Cudesch della Duttrina Catholica Intestazione 24 febbraio 2016 25% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT


[p. 290 modifica]290 Cudesch della Duttrina Catholica 290 Cudesch della Duttrina Catholica

Ma hoz il prämi ha plü grand valur,
Meis inimi mortal vögl eau mazzar!
85 Ma vit' intera hai eau l' arc dovrà,
M' exercità sco tucc' ad ün chatschader;
Sovenz hai eau siettà nel nair d' la schaibia
E gudognà plü d' ün custaivel prämi
Nels tirs d' allgrezzia — Hoz però vögl eau
90 Il cuolp d' elit gujar et il prüm prämi
Am gudognar nel circul da noss munts.

CUDESCH DELLA DUTTRINA CATHOLICA.


Cudesch della Duttrina Catholica.

Ediziun fatta nel idiom da Müstair con approbaziun della curia episcopala da Cuoira Näfels. Stampa da „Glarner Volksblatt“. 1904.


[p. 68]

4. Dal sonch Sacramaint della Pentenzia.


248. Chai ais il sonch Sacramaint della Pentenzia? Il sonch Sacramaint della Pentenzia ais quel Sacramaint, nel qual il sacerdot, inpè da Dieu, remetta ils pechats, ch' ün ha commiss davò il Battaisem. 10

249. Cura ha institui Jesus il sonch Sacramaint della Pentenzia? Jesus ha institui il sonch Sacramaint della Pentenzia, cur ch' el davò sia resüstaunza ais comparü als Apostels ed ils ha inzufflà dischond: „Retschaivai il Spiert sonch. A quels cha vus relaschauat ils pechats, quels sun relaschats, ed a quels, cha vus retegnauat ils pechats, quels sun 15 retegnüts.“ — Jon. XX. 22 e 23.

250. Chi ha davò ils Apostels la possaunza da remetter ils pechats? … Davò ils Apostels haun la possaunza da remetter ils pechats — ils uvais-chs … e sacerdots.

251. Cura dovra il sacerdot la possaunza, da remetter ils pechats? … 20 Il sacerdot dovra la possaunza, da remetter ils pechats, cur ch' el dà ad ün penitaint l' absoluziun, dischond: „Eu t' absolv da teis pechats in nom del Bap e del Figl e del Spiert sonch. Amen.“ [p. 69] Nel confessar ils pechats e nell' absoluziun consista il segn extern del sonch Sacramaint della Pentenzia. [p. 291 modifica]252. Qualas grazias retschaivain nus nel sonch Sacramaint della Pentenzia. Nel sonch Sacramaint della Pentenzia retschaivain nus quistas grazias: 1. Remissiun dels pechats e del chasti eterual; 2. la grazia santificanta ò augmentaziun da quella; 3. anzi atras grazias specialas, per mainar üna vita virtuusa. 5 Nel sonch Sacramaint della Pentenzia polan gnir relaschats tots ils pechats, eir ils plü grevs. L' absoluziun da qualchüus qualchüns pechats straordinaris ais reservada al Papa ò als uvais-chs. … — Ils chastis temporals vegnan relaschats in part, quai vol dir, tenor il spiert da pentenzia del penitaint. — Scha la grazia santificanta non ais statta persa, schi vegn quella 10 augmaintada tras quist s. Sacramaint.

253. Quaunts pünchs sto ün observar, per far üna buna Pentenzia? Per far üna buna Pentenzia, sto ün observar chinch pünchs: 1. L' examen della conscienzia, 2. la rüclenscha, 3. il proponimaint, 4. la confessiun, 5. la satisfacziun. 15 Per podair observar inandret quists chinch pünchs, sto ün rovar a Dieu per sia grazia; ün disch a quella fin: „l' invocaziun del Spiert sonch“: „Vè o sonch Spiert, e sclerischa meis intellèt per cognoscher inandret meis pechats; movainta meis cor ad üna vaira rüclenscha sur da tots meis pechats, ad üna sincêra confessiun 20 … e vair meldramaint da mia vita.“ Dal examen della conscienzia.

254. Chai vol dir: examinar la conscienzia? Examinar la conscienzia vol dir: s' impaisar dò, quals pechats ch' ün ha fat. 25

255. Co dess ün far l' examen della conscienzia? … Per far l' examen della conscienzia, sto ün: 1. s' impaisar, scha l' ultima confessiun ais bain statta vaglionta e sch' ün ha fat la pentenzia obtegnüda; [p. 70] 2. passar tras il commondamaints da Dieu e della Baselgia, 30 sa dumondond pro minchün commondamaint, sch' ün s' ha fallà tras impissamaints, … pleds ed ovras ò con tralaschar quai, sch' ün foss stat oblià da far. Pro l' examen della conscienzia non dess ün tralaschar, da stüdiar dò, co ch' el ha sotisfat allas obligaziuns da seis stadi.

256. Sur da chai sto ün s' examinar in spezial in reguard dels pechats 35 … mortals? … In reguard dels pechats mortals sto ün e' examinar in spezial sur il numer e las circumstaunzas importauntas da quels. Las circumstaunzas plü impertauntas sun quellas, las qualas müdan la spezia del pechà, p. e.: involar in baselgia, blastemar als genituors, 40 19*

-318[p. 292 modifica]

292 Cudesch della Duttrina Catholica

maltrattar persunas benedidas. — Illura fà eir quai üna differenzia, sch' ün invola pac ò bler, sch' ün fà ün grond donn ovèro ün donn da main importaunza. …

257. Da chai dess ün sa parchürar, con far l' examen della conscienzia? 5 Con far l' examen della conscienzia dess ün sa parchürar da levsèn, ma eir da massa gronda tema. Far l' examen della conscienzia non ais uschè grev per quel, chi s' examinescha mincha saira e va sovent a tor pentenzia. Dalla rüclenscha. 10

258. Qual pünch ais il plü necessari pro l' sonch Sacramaint della Pentenzia? Il pünch plü necessari pro l' sonch Sacramaint della Pentenzia ais la rüclenscha; percha senza rüclenscha ningün pechà non po gnir relaschà.

259. Chai ais la rüclenscha? La rüclenscha ais üna dolur dell' orma ed ün sgrisch dals pechats 15 commiss. Quel, chi fa ün act da rüclenscha be colla bucca, non ha amò ningüna … rüclenscha. Ün sto avair mala vita dels pechats aint il cor con il giavüsch sincêr: „be ch' eu non avess offais a Dieu.“ Ün sacrifizi avaunt Dieu ais ün spiert contristà; ün cor contrit ed 20 ümilià non rebütterasch tü, o Dieu.“ Ps. 50. 19. [p. 71]

260. Sto ün avair rüclenscha sur da tots seis pechats? Ün sto avair rüclenscha sur da tots seis pechats, almain sur da tots ils pechats grevs. Sch' ün non s' inrücless eir bè sur dad ün pechà grev, schi foss la 25 confessiun invàlida.

261. Or da cha motiv dess ün s' inrüclar da seis pechats? Ün dess s' inrüclar da seis pechats per motiv, ch' ün ha offais tras quels a Dieu e non solum per motivs mundauns. Üna rüclenscha or da motivs mundauns ha tegnü p. e. Antìochus Antiochus. 30

262. Da quauntas sorts ais la rüclenscha? La rüclenscha ais da duos sorts: la rüclenscha imperfetta e la rüclenscha perfetta. 263. Cura ais la rüclenscha — imperfetta. La rüclenscha ais imperfetta, cur ch' ün s' inrücla d' avair offais a 35 Dieu pervia del chasti, il qual ün ha merità. 264. Cura ais la rüclenscha — perfetta. La rüclenscha ais perfetta, sch' ün s' inrücla d' avair offais a Dieu, seis plü bun bap e plü grond bainfattur, il qual ün dess amar sur da tot.

-319[p. 293 modifica]

Cudesch della Duttrina Catholica

Scha tü vosch far ün act da rüclenscha, schi t' impaisa dallas painas del infiern ò del purgiatüri, las qualas tü asch merità tras ils pechats, — e dalla bellezza del chêl, il qual tü asch pers (rüclenscha imperfetta). Surdaquai at piglia a cor, co grevmaing, cha tü asch offais a Dieu, ta regorda dals benefizis retschaivüts dad el e contaimpla, co malgrat cha tü 5 eisch stat invers teis divin Salvader, chi ha taunt patì in amur tia e per chastiamaint da teis pechats (rüclenscha perfetta). Ex.: L' apostel Peder; Maria Maclaina (Madalena). La rüclenscha ais üna grazia; rova fervaintamaing, per obtegner quella.

265. Quala rüclenscha ais suffiziainta per survegner remissiun dels pechats 10 nel sonch Sacramaint della Pentenzia? Per survegner remissiun dels pechats nel sonch Sacramaint della Pentenzia ais suffiziainta — la rüclenscha [p. 72] imperfetta; — tottüna sa dess ün dar fadia, d' avair üna rüclenscha perfetta.

266. Qual effèt ha la rüclenscha perfetta? 15 La rüclenscha perfetta, coll' intenziun da confessar seis pechats, — fà, cha' ls pechats vegnan relaschats, e supplescha in cas da basögn il sonch Sacramaint della Pentenzia. Per via daquai dess ün far sovent ün act da rüclenscha perfetta, spezialmaing però 1. in priel da mort e 2. cur ch' ün foss crodà in ün 20 grev pechà e non avess l' occassiun d' il confessar dalunga. Ün tal pechader, chi ha fat rüclenscha perfetta, sa retschatta nella grazia da Dieu; el ha però l' obligaziun, da confessar quist pechà nella prossima confessiun. — Sch' ün christiaun vegn tot all' indetta in priel da mort e non ais preschaint ningün spiritual, schi stosch tü jüdar al moribund, con al dir avaunt ün 25 act da rüclenscha perfetta.

Dal proponimaint.


267. Chai ais il proponimoint? Il proponimaint ais la seriusa voluntà, da s' meldrar e non far plü pechà. 30 Il proponimaint ais necessariamaing unì con la rüclenscha. 268. Cura ha ün la seriusa voluntà, da s' meldrar e non far plü pechà? Ün ha la seriusa voluntà, da s' meldrar e non far plü pechà, sch' ün ais rasolt:

1. da s-chivar … almain tots pechats grevs ed eir las prossimas 35 occasiuns la pro; 2. da dovrar ils mezs necessaris per sa meldrar;
3. d' accomplir la pentenzia, la quala il bap spiritual dà sü, — da dàr innò fuor involà — e da refar il donn, cuolpaivelmaing causà al prossem vi' al corp ò l' orma, roba ò honur. [p. 294 modifica]

294 Cudesch della Duttrina Catholica

Prossima occasiun nomnain nus: üna persuna, üna compagnìa, ün divertimaint, ün cudesch . . . in somma tot quai, tras il qual ün vegn pel solit surmainà, da far ün grev pechà. Quel, chi non vol s-chivar … la prossima occasiun, quel non ha la seriusa voluntà da s' meldrar, … e l' absoluziun 5 … ais invàlida. [p. 78]

269. Co fasch tü l' act della rüclenscha e del proponimaint? O meis Dieu! eu m' inrücl dal fond da meis cor da tots meis pechats, causa cha eu ta nha offais e pers quatras il chêl e merità ils chastìs del purgiatöri ò del infiern; spezialmaing m' inrücl eu per motiv, cha eu nha 10 offais a tai, o meis Dieu, il qual tà m' asch amà d' eternità innaun, am fat taunt del bain, spons per mai teis preziusissem bain, il qual eu am sur da tot. — Con ajüd da tia grazia fetsch eu ün ferm proponimaint, da ma meldrar e non far plü pechà, sco eir da fügir las occasiuns la prò. Am jüda tras ils merits da nos Segner Jesus Christus. Amen. 15 Dalla confessiun.

270. Chai ais la confessiun? La confessiun ais üna dolorusa chüsa da seis pechats, fatt' avaunt il spiritual.

271. D' ingiunder savain nus, cha Jesus Christus ans ha oblià, da confessar 20 … noss pechats? Cha Jesus Christus ans ha oblìa, da confessar noss pechats, savain nus: 1. or dals pleds, con ils quals Jesus ha institui quist sonch Sacramaint; 2. or dalla constanta duttrina e prattia della soncha Baselgia. 1. Scha l' spiritual po relaschar ils pechats o sch' el ils sto retegner, 25 quai non pol savair ater co tras la confessiun. 2. „Bels christifidels gnittan, per confessar e per dir quai, cha els avevan fat.“ Ist. d. Ap. XIX. 18. — „Ningün non po gnir jüstifichà dal pechà, senz' il avair confessà.“ S. Ambrosi († 397). — „Ningün non dess dir: Eu fetsch pentenzia tot alla dascus' avaunt Dieu; Dieu, chi ma 30 cognoscha, sà bain, chai ch' id ais ìn meis cor. — Foss dunque dit bè per nüglia: Quai cha vus sliauat sün terra, schi quai dess eir esser slià sü in chêl? — Foss dunque surdatta alla Baselgia la possaunza da river e da serrar bè per nüglia?“ S. Augustin.

272. Co sto esser la confessiun? 35 La confessiun sto esser completta e sincèra. [p. 74]

273. Cura ais la confessiun — completta? La confessiun ais completta, cur ch' ün confessa almain tots ils pechats grevs tenor il numer e las circumstaunzas d' importaunza. Scha ün non savess il numer precis, schi dess ün dir var quauntas 40 jadas al di, all' eivna ò mais, ch' el ha sat fat il medem pechà. [p. 295 modifica]

Cudesch della Duttrina Catholica 295

274. Aisi necessari, da confessar ils pechats venials? I non ais necessari, ma zond nüziaivel, da confessar eir ils pechats venials. Ün sa falla levmaing in reguard della grondeza dels pechats; in dubi, cha qualchosa ais pechà ò brich, dumonda l' confessur.

275. Cura ais la confessiun sincèra? La confessiun ais sincèra, cha ün confessa seis pechats, jüst uschè sco ch' ün craja d' esser cuolpaivel avaunt Dieu, senza zoppaintar ailch ò sa s-chüsar … fasamaing.

276. Perchai non dess ün mai sa turpiar, da confessar sinceramaing? … 10 Ün non dess mai sa turpiar, da confessar sinceramaing: 1. causa ch' il spiritual con non po dir ora dalla confessiun gnianca la minima chosa; 2. causa ch' id ais sajür melder da confessar seis pechats ad ün, chi … non das-cha … dir ora quels, — co viver senza pasch, morir in disgrazia 15 con Dieu, stovair sa sbarbuognar avaunt il mond intèr sül di del ultim jüdizi ed al ultim gnir condemnà. Plü jent co dir ora ailch dalla confessiun sto il spiritual sa laschar martirizar. Ex.: S. Jonn da Nepomuc. — Eir quel, chi dalda, ailch per cas or d' üna confessiun, ais oblià, da tegner quai zoppà.

277. Cha consequenza ha quai, sch' ün lascha ora ün grev pechà cuolpaivelmaing? … … Sch' ün lascha ora ün grev pechà cuolpaivelmaing, schi ais la confessiun … invàlida; ün fa con quai ün nov pecha mortal, — ün sacrilegi. [p. 75] Ün lascha ora ün pechà cuolpaivelmaing: 25 1. sch' ün lascha ora a posta — ün grev pechà; 2. sch' ün tralascha da dir ün grev pechà da spüra negligenza nel examen della conscienzia.

278. Chai ha da far quel, chi ha laschà ora ün grev pechà cuolpaivelmaing? … Quel, chi ha laschà ora ün pechà cuolpaivelmaing, sto confessar: 30 1. il pechà laschà ora; 2. in quauntas confessiuns ch' el ha lascha ora quel; 3. scha l' la retschaivü dürante quist temp amò aters sonchs Sacramaints; … … 4. tots ils aters grevs pechats, fingià confessats, ils quals el aveva 35 commiss davo l' ultima valida confessiun.

279. Chai ha da far quel, chi ha imblüdà da confessar ün grev pechà senza cuolpa? Quel, chi senza cuolpa ha imblüda da confessar ün grev pechà, ha bè da confessar quel pechà nella prossima confessiun. [p. 296 modifica]

296 Cudesch della Duttrina Catholica

280. Chai ais üna confessiun generala? Üna confessiun generala ais la repetiziun da tottas ò da bleras confessiuns. … La confessiun generala ais necessaria, scha las confessiuns passadas 5 sun stattas invàlidas; cusgliaivla pro la prüma s. Chamüngia, avaunt co aintrar in ün nov stadi, nel temp d' ün jubileo ò d' üna Missiun ed in priel da mort.

281. Con quala oraziun comainz' ün la confessiun? Üna comainza la confessiun con quista oraziun: 10 „Eu pover pechader confess a Dieu totpossont ed ad el, bap spiritual, inpè da Dieu, cha eu nha commiss quists pechats. L' ultima confessiun ais statta . . .?“ — [cura?].

282. Quala oraziun disch ün alla fin della confessiun? … Alla fin della confessiun disch ün quista oraziun: 15 „Da quists e tots ils aters pechats da mia vita passada m' inrücl eu per amur vers Dieu; eu ma vögl [p. 76] sinceramaing meldrar e rov per üna salüdaivla pentenzia e la sonch' absoluziun.“ Taicla con attenziun sün quai, cha il confessur disch e responda sinceramaing sün sias dumondas. Cur ch' el pronunzia il salüd: „Laudà 20 sia Jesu Christ!“ schi di: „Saimper sia l' laudà“, e banduna il confessiunal. — Davò la confessiun ingraziaja a Dieu per la grazia retschaivüda e rova a Dieu per ajüd da salvar teis proponimaints. — „Guarda, tü eisch gni saun; non ta pechaintar plü, accio cha non at devainta ailch amò plü mal.“ Jon. V. 14. — Scha l' bap spiritual non po dar l' absoluziun, schi 25 ta sottametta ümilmaing e ta fa degn dell' absoluziun con meldrar tia vita. Dalla satisfacziun.

283. In chai consista la satisfacziun? La satisfacziun consista in complir exactamaing la pentenzia, la quala ha dat sü il bap spiritual. 30 Sch' ün ha la voluntà nella confessiun, d' accomplir la pentenzia survegnida, … e tralascha quella plü tard, schi ais la confessiun bain valida; quista negligenza però ais pechaminusa ed ün sa priva da bleras grazias. 284. Perchai vegn datta sü üna pentenzia? Üna pentenzia vegn datta sü: 35 1. per partir jò ils chastìs temporals; 2. per sa preservar da novs pechats e per jüdar ad üna vita virtuusa. Con il pechà relascha Dieu adüna eir il chastì eternal, ma brich' adüna tots ils chastis temporals. — „Il Segner ha tut davent teis pechàts, teis figl però averà da morer dalla mort.“ 2. Rais XII. 13 e 14. [p. 297 modifica]

Cudesch della Duttrina Catholica 297

285. Quals castìs nomnaln nomnain nus - chastis temporals? … Chastis temporals nomnain nus quels chastìs, ils quals nus avain da patir jò nel purgiatöri ovèro in quist mond, con far ovras da pentenzia.

286. Dessan nus far bè quella (q)[p]entenzia, la quala ans dà sü il bap spiritual? … Nus dessan eir voluntariamaing far ovras da pentenzia e spezialma(t)[i]ng 5 surportar con pazienzia cruschs e travaglias. [p. 77] Ün ater mez, per sa deliberar dals chastìs temporals, ais - il Perdun. — Quel, chi non maina üna vita penitainta sün terra, quel ha taunt da plü da patir nel ater mond. Applicaziun: Va sovent e bain pognà a tor pentenzia; fà ogni 10 confessiun, sco ch' ella foss l' ultima da tia vita e tegna bain adimaint las admoniziuns da teis bap spiritual. Dal Perdun.

287. Chai ais il Perdun? Il Perdun ais la remissiun dels chastis temporals, chi restan dals 15 pechats relaschats.

288. Chai ais ün Perdun complet [ò indulgenzia plenaria]? Ün Perdun complet ais la remissiun da tots chastìs temporals. Il Perdun da jubileo ais ün Perdun complet, il qual conceda il Papa mincha 25 onns ovèro in straordinarias accurenzas. 20

289. Chai ais ün Perdun incomplet? Ün Perdun incomplet ais la remissiun d' üna part dels chastìs temporals. Ün Perdun da 7 onns ais la remissiun da taunts chastis temporals, cha ün podess patir jò con far pentenzia dürante … 7 onns e quai tenor la prattia veglia della s. Baselgia. — Üna quadragena ais ün Perdun da 40 dits. 25

290. Da chi ha retschaivü la Baselgia la possaunza, da conceder Perduns? La possaunza, da conceder Perduns, ha retschaivü la Baselgia da Jesus Christus? Christus ha dat alla Baselgia üna possaunza illimitada da sliar. „Tot quai, cha tü sliarasch sün terra, sarà slià eir sü in chêl.“ Matth. XVI. 19. 30 Tras ils Perduns paja la Baselgia alla divina jüstia noss debits or dal infinit tesar da satisfacziun, il qual Jesus Christus ed ils Sonchs haun acquistà. [S-chazi … della Baselgia.] [p. 78] 291. Chai ais necessari per gudognar ün Perdun? Per gudognar ün Perdun, ais necessari: 35 1. cha nus ans retschattain in stadi della grazia santificanta; 2. cha nus fain exactamaing las ovras prescrittas. Per gudognar ün Perdun complet, stovain nus esser libers eir da tots pechàts venials. [p. 298 modifica]

298 Cudesch della Duttrina Catholica Ultra da quai, cha nus tras ün Perdun podain obtegner remissiun dels chastìs temporals, — gnin nus eir animats, da retschaiver sovent ils sonchs Sacramaints. Pervia dels perduns, ils quals nus podain gudognar, non eschan nus tottavia bricha dispensats dal far ovras da pentenzia; nus 5 gnin pütost animats da 'las continuar. Quels Porduns, ils quals il Papa conceda per las povras ormas, podain nus gudognar per ellas in möd d' intercessiun, rovond a nos Segner, ch' el ils piglia per buniamaint della divina jüstia, alla quala las povras ormas haun da sotisfar. Applicaziun: Renovescha mincha di pro l' oraziun della dumaun — 10 l' intenziun, da gnir partizipaivel da tots ils Perduns, ils quals tü posch gudognar pel di ora.

Dal Sacramaint del sonch Öli.


292. Chai ais il Sacramaint dêl sonch Öli? Il Sacramaint del sonch Öli ais quel Sacramaint, il qual Jesus 15 Christus ha institui pella salüd spirituala e corporala dels amalats.

293. In chai consista il segn extern del Sacramaint del sonch Öli? Il segn extern del sonch Öli consista in quai, cha l' sacerdot ongia ils 5 sens del amalà, dischond pro minchün: „Tras quista uncziun e sia buntadaivelissna misericordia at perduna … il Segner … quai, cha tü t' asch 20 pechaintà tras la vezüda, — l' udida, — l' odorat, — il tact — ed il palat. Il sonch öli, chi vegn dovrà pro quist s. Sacramaint, vegn benedì dal uvais-ch … in Jövia soncha. [p. 79] 294. Chai operescha il sonch Öli pella salüd spirituala del amalà? 1. Il sonch Öli augmainta la grazia santificanta. 25 2. El remetta ils pechats venials ed eir quels pechats mortals, ils quals il moribund non ais plü bun da confessar. 3. El fortifichescha l' amalà in sias dolurs e taintaziuns e spezialmaing … in seis ultim combatt. 295. Chai operescha il sonch Öli pella salüd corporala del amalà? 30 Il sonch Öli operescha surleviamaint nella malattià ò dafatta guarimaint, … scha quai ais pella salüd dell' orma. … 296. D' ingiunder savain nus, cha Jesus Christus ha institui il sonch Öli sco Sacramaint? Cha Jesus Christus ha institui il sonch Öli sco Sacramaint, savain 35 nus dalla soncha Baselgia, la quala ha mossà quai adüna dals temps dels Apostels innaun. 297. Chai scriva il Apostel son Jaccom dal sonch Öli? Il Apostel son Jaccom scriva dal sonch Öli: „Sch' ün ais amalà taunter vus, schi dess el clomar ils spirituals della Baselgia, e quels dessan urar

-325[p. 299 modifica]

Cudesch della Duttrina Catholica 299

sur dad el ed il onger con öli in nom del Segner e l' oraziun della cretta sarà al amala per sia salüd, ed il Segner il surleviarà e, sch' el ais in pechats, schi al vegnan quels relaschats.“ — Jac. V. 14 e 15. Dal prinzipi naun ha dumbrà la Baselgia il sonch Öli pro 'ls sonchs Sacramaints; uschè nomna p. e. il Papa son Innocens I. († 417) il sonch 5 Öli ün Sacramaint. …

298. Chi po e sto retschaiver il sonch Öli? … Ogni christiaun cattolic, chi ais arrivà al üso del saun jüdizi, po e sto retschaiver il sonch Öli in cas, ch' el vegn grev amalà. [p. 80]

299. Co dess s' appogner l' amalà per retschaiver il sonch Öli? … 10 Per retschaiver il sonch Öli, dess l' amalà: 1. confessar e, scha quai non foss possibel, far ün act da rüclenscha perfetta sur da seis pechats; 2. avair viva cretta e ferma confidaunza sün Dieu e sa remetter tottalmaing in sia sonchissna voluntà. 15 Ils paraints dessan procurar, cha l' amalà po retschaiver il sonch Öli, intaunt ch' el ais amò pro bun sentimaint; els sa fallan grevmaing, scha l' amalà non po gnir provist a temp causa lur cuolpa. — Dürante la medema malattia po ün retschaiver il sonch Öli tauntas jadas, ch' ün sa retschatta danovmaing in priel da mort. 20 Applicaziun: Rova a Dieu pella grazia d' üna buna mort e pella grazia da podair retschaiver ils sonchs Sacramaints dels moribunds. Dürante la malattia at lascha dar la benedicziun ed il Perdun dels moribunds. Dalla Benedicziun del sacerdot.

300. Chai ais la Benedicziun del sacerdot? 25 La Benedicziun del sacerdot ais quel Sacramaint, nel qual vegn concessa la possaunza sacerdotala e la grazia necessaria pel offici sacerdotal. Il segn extern da quist sonch Sacramaint consista in quai, cha l' uvais-ch impona ils mauns als candidats ed als surdà il chalch con vin e la patena con l' üblada ed accompagna tot quai collas correspondentas 30 oraziuns.

301. D' ingiunder savain nus, cha Jesus Christus ha institui la Benedicziun del sacerdot? Cha Jesus Christus ha institui la Benedicziun del sacerdot savain nus: 1. or dalla soncha Srittüra. 35 2. or dalla constanta duttrina e prattia della soncha Baselgia. 1. „Eu t' admonesch, da renovar la grazia da Dieu, la quala ais in tai tras l' imposiziun da meis mauns.“ 2. Tim. I. 6. 2. „Tots duoi [il Battaisem e la Benedicziun del sacerdot] sun Sacramaints; … ningün non ha dubi da quai.“ S. Augustin. [p. 300 modifica]

300 Cudesch della Duttrina Catholica [p. 81]

302. Qualas grazias conceda la Benedicziun del sacerdot? … La Benedicziun del sacerdot conceda quistas grazias: 1. Ella augmainta la grazia santificanta. 2. Ella conceda la possaunza sacerdotala ed imprima all' orma il 5 segnavel inextinguibel da sacerdot. 3. Ella conceda amò grazias spezialas d' administrar la possaunza sacerdotala degnamaing.

303. In chai consista la possaunza sacerdotala? La possaunza sacerdotala consista nella possaunza: 10 1. da celebrar il sacrifizi della soncha Messa; 2. d' administrar ils sonchs Sacramaints. Per administrar vagliontamaing il sonch Sacramaint della Pentenzia, ais ultra dalla Benedicziun del sacerdot amò necessaria üna speciala autorisaziun … dalla vart dels legitims superiurs ecclesiastics, la quala vegn nomnada 15 … — jurisdicziun. La Benedicziun del Sacerdot consista da plüs benedicziuns: 1. las quatter benedicziuns inferiuras, 2. il Subdiaconat, 3. il Diaconat e, 4. il Presbyterat.

304. Polan surdar ün offizi spiritual eir soprastaunzas secularas? Soprastaunzas secularas non polan surdar ningün offizi spiritual, 20 causa cha quellas svess non haun ningüna possaunza spirituala. La Baselgia conceda sovent a seculars sot chertas condiziuns il dret, da preschaintar als superiurs spirituals üna persuna per ün offizi ecclesiastic; ma l' offizi svess e la possaunza la prò po bè surdar l' autorità ecclesiastica. Applicaziun: Honura ils spirituals, siond ch' els sun represchaintants 25 da Dieu ed administraturs dels sonchs misteris; als fa per commond e ta regorda dals pleds da nos Segner: „Quel chi taicla a vus, taicla a mai, e quel chi spretscha a vus, quel spretscha a mai.“ — Rova spezialmaing als dits dellas quatter taimpras, als quals ils spirituals vegnan benedits, cha Dieu manda buns e degns sacerdots. 30 [p. 82] Dal sonch Sacramaint del Matrimuni.

305. Chai ais il sonch Sacramaint del Matrimuni? Il Sacramaint del Matrimuni ais quel Sacramaint, tras il qual duos persunas christiaunas e libras, spus e spusa, vegnan consorts pella vita dürante e retschaivan la grazia necessaria pel stadi matrimunial.

306. Chi ha institui il Matrimuni? Dieu svess ha institui il Matrimuni nel Paradis e Jesus Christus al ha dat la dignità d' ün sonch Sacramaint.

-327[p. 301 modifica]

Cudesch della Duttrina Catholica 301

307. D' ingiunder savain nus, cha l' Matrimuni ais ün sonch Sacramaint? Cha l' Matrimuni ais ün sonch Sacramaint, savain nus dalla soncha Baselgia, la quala ha quintà saimper il Matrimuni taunter ils sonchs Sacramaints. Son Apostel Paul nomna il Matrimuni „ün grond Sacramaint in 5 Christus e nella Baselgia.“ Ef. V. 32. — Il Concil da Trient declera: „Il Matrimuni ais in vairdà ün dals 7 sonchs Sacramaints, instituits da Christus.“ Sessiun XXIV. can. 1.

308. Co retschaivan spus e spusa il sonch Sacramaint del Matrimuni? Spus e spusa decleran avaunt lur plavaun e duos pardüttas, ch' els 10 piglian ün l' ater per consorts, e sün quai benedescha il spiritual lur lai. La Baselgia giavüscha, cha ün lascha benedir il Matrimuni dürante la soncha Messa e retschaiva la prò la soncha Chamüngia. — Tenor ledscha civila stolan ils sponsals declerar lur lai avaunt l' offici del stadi civil (matrimuni civil). Els non das-chan … però tralaschar da sa laschar 15 segnar aint tras il propri plavaun, scha lur lai dess esser recognoschüda dalla Baselgia. Quel chi sa marida bè civilmaing, sa retschatta da contin in ün stadi pechaminus, esclüda sasvess dals sonchs Sacramaints e, cur ch' el mora senza s' avair reconzilià colla Baselgia, perd' el il dret della sepultüra ecclesiastica. 20

309. Qualas grazias conceda il s. Sacramaint del Matrimuni? Il sonch Sacramaint del Matrimuni conceda quistas grazias: [p. 83] 1. El augmainta la grazia santificanta. 2. El conceda amò atras grazias spezialas, d' accomplir inandret las obligaziuns del stadi della lai. 25

310. Qualas obligaziuns haun ils maridats? 1. Ils maridats dessan viver … insembel in bun' armonia e fideltà fin alla mort. 2. Els dessan dar ün l' ater buns exaimpels. 3. Els dessan trar sü ils infants in tema da Dieu. 30 4. L' hom dess nudrir sia donna; la donna dess esser obediainta a seis marit in tottas debitas chosas. „Vu homens, amai vossas donnas, sco eir Christus ama la Baselgia e sa dà via per ella.“ Ef. V. 25. — „Vus donnas, siat obediaintas als marits, sco ch' i tucca nel Segner.“ Col. III. 18. 35

311. Po gnir slià il Matrimuni? Il Matrimuni po gnir slià bè tras la mort. „Quai, cha Dieu ha unì, l' humaun non dess separar.“ Matth. XIX. 6. „Minchün, chi banduna sia donna e marida ün' atra, rumpa la rai lai; e quel chi marida üna separada dal hom, rumpa [eir] la lai.“ Luc. XVIII. 18. 40 [p. 302 modifica]

302 Cudesch della Duttrina Catholica

312. Chai haun d' observar quels, chi volan intrar nel stadi matrimunial? Quels, chi volan intrar nel stadi matrimunial, dessan observar ils sequaints pünchs:

1. Els non dessan s' imprometter con lev sen, dimpersai guardar sün 5 virtü e caracter.
2. Els dessan esser libers d' impedimaints.
3. Els dessan sa reportar decentamaing dürante il temp da spusalizi.
4. Els dessan avaunt co maridar, sa laschar bain instruir e far üna valida confessiun. 10 „Nus eschan infaunts dels sonchs e non dessan gnir insembel sco ils pajauns, chi non cognoschan a Dieu.“ Tob. VIII. 5. Ex.: Tobias e Sara, Booz e Ruth. Quel, chi rumpa l' impromissiun matrinuniala senza jüsts motivs, commetta ün grev pechà. 15 I dà da duos sorts impedimaints da lai:
1. Impedimaints separonts, chi rendan la lai — invalida (consanguinità) … ed affinità infin al quart grad inclusiv, paraintela spirituala etc.). [p. 84]
2. Impedimaints suspendonts, chi rendan la lai — illecita (temps scommondats, diversità da religiun christiauna, spusalizi con üna 20 terza persuna, il vut (non solemm) da chastità).

313. Chai ais ün matrimuni maisdà? Ün matrimuni maisdà ais üna lai d' üna persuna cattolica con üna persuna d' üna atra confessiun christiauna. Da tots ils temps ha scommonda la Baselgia matrimunis maisdats; 25 ella fà quai or da motivs da grond' importaunza; ella permetta tals matrimunis … bè in quels cas, cur ch' i vegn garanti, cha' ls uffaunts vegnan battiats e trats sü nella religiun cattolica. Scha qualchün aintra in ün matrimuni maisdà e lascha trar sü ils infants in üna atra religiun, schü s' esclüda ün tal dalla Baselgia e non po obtegner l' absoluziun da seis 30 pechats, avàunt ch' el non ais pront, da reparar seis malfat. …

Applicaziun: Tots non sun clomats da Dieu pel stadi matrimunial. Minchün s' examinescha bain per cha stadi, cha Dieu il ha clomà. Sch' ün craja d' esser clomà al stadi della lai, schi dess quel sa preparar con oraziun, con far bunas ovras e specialmaing con far üna buna pentenzia 35 generala. Non far sco quels, chi s' appognan — tras üna vita pechaminusa … — la smaladicziun da Dieu. La plü buna preparaziun per ogni stadi ais üna juventüm passaintada in tema da Dieu.

Dallas sconjüraziuns e benedicziuns della Baselgia (Sacramentalias).


314. A cha fin dovra la Baselgia las sconjüraziuns? … La Baselgia dovra las sconjüraziuns per s-chatschar … e tegner davent las dannaivlas influenzas del demuni.



Cudesch della Duttrina Catholica [p. 303 modifica]303 315. A cha fin servan las benedicziuns della Baselgia?

Las benedicziuns della Baselgia servan per gurbir la benedicziun da Dieu per persunas e chosas. Ex.: La benedicziun col Sonchissem, la benedicziun dels amalats, benedicziun dell' aria, della compagna, del muvel, dellas alps . . . 5 [p. 85]

316. A cha fin servan las consecraziuns della Baselgia? Las consecraziuns della Baselgia servan per santifichar persunas e chosas dedichadas al offizi divin ovèro al pietus adöver dels christifidels. „Tot chi vegn santifichà tras il pled da Dieu e l' oraziun.“ 1. Tim. IV. 5. Ex.: La consecraziun [benedicziun] dellas baselgias, dels altêrs, zegns, 10 santèris, della paramainta, da cruzifiehs cruzifichs e padernoss; las diversas „benedicziuns“ … liturgicas dürante l' onn p. e. della sal ed aua, dellas olivas, del fö in Sonda soncha, della chandaila da Pasqua e del batten . . .

317. Da chi ha retschaivü la Baselgia la possaunza d' applichar sconjüraziuns, benedicziuns e consecraziuns? … 15 La possaunza d' applichar sconjüraziuns, benedicziuns e consecraziuns ha retschaivü la Baselgia da Jesus Christus. „Jesus ha redunà seis dudesch discipuls ed als dat la possaunza, da s-chatschar … ils spierts malnetts e da guarir tottas malattias e debolezas.“ Matth. X. 1. — „In meis nom s-chatscheraun … els ils demunis; als amalats 20 metteraun els sü ils mauns e quels gniraun sauns.“ Marc. XV. 17 e 18.

318. Per cha chosas rova la Baselgia solitamaing in sias benedicziuns? La Baselgia rova solitamaing in sias benedicziuns, cha Dieu volgia davent da nus ils meritats chastìs, ch' el ans defenda cunter ils assalts del demuni, e ch' el ans conceda pasch e fortüna per corp ed orma. 25 Las oraziuns della Baselgia haun gronda valur, ma brich' infallibel effett; quel dependa bain eir dalla disposiziun da quel, vi' al qual las benedicziuns vegnan applichadas.

319. A chai serva l' aua soncha? L' adöver dell' aua soncha ans dess movaintar a rüclenscha e devoziun 30 ed esser ün mez per s-chatschar … ils demunis e per àns preservar da malattias … ed aters mals corporals e spirituals. [p. 86]

Applicaziun: Dovra las benedicziuns, della Baselgia e las chosas benedidas adüna con la retta devoziun, con viva cretta, ferma spraunza, spiert da pentenzia e resignaziun nella voluntà da Dieu. Piglia 35 sovent aua soncha e rov' a Dieu, ch' el ta parchüra da tots ils priels.