Dintaunt ch' eu deir' üna juvna flur

Da Wikisource.
Jump to navigation Jump to search
romancio

Conradin de Flugi 1908 D Dintaunt ch' eu deir' üna juvna flur Intestazione 14 settembre 2015 25% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Scarica in formato ePub Volkslieder 50%.svg  di Autori vari

6.

(Romanische Studien I, Flugi, p. 312/3.)

„Dintaunt ch' eu deir' üna juvna flur
Vivaiva in allegria,
Ed uossa chi' m eis gnieu la crusch
Nu poass sentir la gia.“ —

5 „O schi tascha, mieu cour cher,
E allura t' indaletta;
Dis cert varost tü da pisser,
E dis eir dad algrezchia.“ —

„Grand' algrezchia am po bain gnir
10 Ed eir grand' allegria,
Ma scha m' impais ma giuventün,
Nu poass am smancher via.“ —

„Scha Dieu ans do bgers bels iffaunts
E da temma da Dia,
15 Vulains pigler pazchaintamaing
E ster in allegria.“ —

„Ta raschum nun am vo per senn,
Ün' otra vess eu bain gugent;
Vess eu pür elas d' ün utsche,
20 Vuless svuler davent.

Schi eu vuless svuler davent
Ed ir vi fin sur mer.“ —
„Ed eu vuless bain bod ir zieva
Ed ir vi at claper.“

25 „Mo schi inua vulessast ir,
Vulessest tü trer via?
A chesa stuessast tü turner
Sainza ta cumpagnia.“ —

„Ta raschum nun am vo par cour,
30 Ed eu nu pilg fadia;
Daivast tü fer sainz 'am pigler,
Schi füss in chesa mia.“ —

„Ma tü lo füssast suspirand
Ed eir bod alla fossa,
35 Ed eu am vess da' m arüvler,
Da' t vair do la resposta.“