Ed eira, ed eira

Da Wikisource.
Jump to navigation Jump to search
romancio

Andrea Vital 1908 E Ed eira, ed eira Intestazione 17 settembre 2015 25% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Scarica in formato ePub Volkslieder 50%.svg  di Autori vari

70.

(Annalas XIV, Vital, p. 272 — 3.)

Ed eira, ed eira
Duos charas compagnas,
Duos charas compagnunzas,
Ai, duos charas compagnunzas.

5 Chi 'vaivan, chi 'vaivan
Ün char marus insembel,
Ün char marus insembel,
Ai, ün char marus insembel.

Ma üna chantaiva
10 Tuot que la podaiva,
E l' otra staiva trauri,
Ai, e l' otra staiva trauri.

Compagna, compagna,
Ai, chara compagna,
15 Perche stast usche traura,
Ai, perche stast usche traura?

Plü traura cha stun,
Plü traura cha vegn;
Non lasch sieuer a tai,
20 Ai, non lasch sieuer a tai.

Sch' el t' ais e, sch' el t' ais e
Da Dieu ordinà,
Non vögl bricha sviar,
Ai, non vögl bricha sviar.

25 Sch' el non t' ais, sch' el non t' ais
Da Dieu ordinà,
Non lasch sieuer a tai,
Ai, non lasch sieuer a tai.

Qua eir' el, qua eir' el
30 Dadour üsch, ch' el tadlaiva
Tuot quai chi dschaivan,
Ai, tuot quai chi dschaivan.

Rovaiva, rovaiva,
Cha Dieu il cussgliess,
35 Quala ch' el 'vess da tour,
Ai quala ch' el 'vess da tour.

Sch' eu pigl e, sch' eu pigl e
La povra e la bella,
Schi mai non ha eu nüglia,
40 Ai, schi mai non ha eu nüglia.

Sch' eu pigl e, sch' eu pigl e
La richa e la trida,
Schi giod eu bain ma roba,
Ai, schi giod con pac dalet.

45 Plü gent e, plü gent e
Desch voutas plü gent
L' aua della fontana
Ai, co 'l vin our dalla zena.