Ed eiran duos compagns

Da Wikisource.
Jump to navigation Jump to search
romancio

Andrea Vital 1908 E Ed eiran duos compagns Intestazione 22 febbraio 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Scarica in formato ePub Volkslieder 50%.svg  di Autori vari

39.

(Annalas XIV, Vital, p. 229.)

Ed eiran duos compagns,
Chi 'vaivan üna marusa;
Uoi, e l' ün e l' oter
La 'laivan per spusa.

5 Uoi, e d' ün as sainta,
Ch' el va be la daman,
Uoi, e l' oter va
La saira be plan plan.

Uoi, sün il bundi,
10 Meis dutschissem cour,
Sun be gnü a verer,
Scha vus am 'laivat tour.

Vus eschat massa tard,
Ha fingià fat la faira,
15 Chi ais stat ün oter
Compagn be her saira.

Uoi, que sarà stat
Be quel il mais compagn,
Ai, schi güst sün quel
20 Non ha ingün permal.

Sast, meis char compagn,
Eu vögl at dir il vaira,
Ch' eu la ha tutta
Be in dumengia saira.

25 Be in dumengia saira
Alla bella clerglüna,
Ai, e stun sün spranza,
Ch' ella am düra adüna.

Sast il meis compagn,
30 Co ch' eu 'm chat inrüclà,
La tala e tal' matta
Dad avair piglià.

Uoi, ella non sa
Ne cusir, ne filar,
35 Nemain ir sül fuond
Eir a lavurar.

Non la sa far oter,
Co star in cuschina,
Uoi, ed ir giò 'n schler
40 A stordscher la spina.