El giat de Cuz

Da Wikisource.
Jump to navigation Jump to search
ladino

Giovan Battista Musner E El giat de Cuz Intestazione 18 marzo 2016 25% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

El giat de Cuz.

Viå da Cuz chis ègn štajeå
Doi veiač soi e solienč
Ic fastides no i n’ aeå
E i godeå la paš contenč
Compagn fedeil de chis
L’ éra ʼn toch de gran giat gris

Inculà sun fregolar
Nòt e dì al roncedàå
E ʼl levàå su a magnar
Col so vèrs ʼndò ʼl tornàå.
I dijea a chi doi, jent bonå,
che ʼl se dis la sò coronå.

L’ era marz e no ʼl vegniå
Che a špapar la sò scudelå
Ma i l’ à spià ʼn dì te cialviå,
Che ʼl šliziàå te na gran élå;
Braciacoi grignoć e boš
I se dijeå e i vegniå roš.

Ah porcon! ʼšpetå! špetå!
Cridå ʼl veje, e ʼl brancå ʼn ciuch
Ma chi viå schè na saetå,
E i lo ʼmpiantå ʼlo de štuch
Via de Cuz da ʼn chelå dì,
Mai mai più, l’ è comparì.

Ma cal veie che na nòt
El vegniå da Moena su,
Canche l’ è ju da Risciot
L’ à sentù da chelå su
Che zachei i sonå e ciantå
Cošì ben e bèl che incantå.

Che špetacol! l’ érå i giač
ʼN corpet ros e ʼn braå de pel,
Che i baleå con sì gregn ač,
Che ʼl tremàå perfin Vaèl;
Balarine aeå pa pèrle,
Le fas voå demò a vederle;

Dute ʼn maniå de ciameijå
Con garlande e gramiai bienč
ʼNtorn al col tripe na speiså
De corai, d’ oreš e arjenč,
Ciuzé scredå e cordèle
Perdut sauc e ciadenèle.

Sorå ʼn dešch e dei più bie,
Lʼ éra ʼl pošt dei muṡeganč,
E sun brociå alò dai frìe,
Capetan dai bai e cianč
Ca ʼl sonaå sò bonbardon,
L’ éra dret ʼl sò giaton.

“Tòch de veie! el chiò ʼl to pošt?”
Crida Cuz, par l’ irå ros,
“Se te rue, te fae a rost”
El voleå corerge adòs,
Ma jà, Giac, giate e strumenč
I é foné te ʼn colp duchenč…