Eu vegn davent da chà

Da Wikisource.
Jump to navigation Jump to search
romancio

Andrea Vital 1908 E Eu vegn davent da chà Intestazione 22 febbraio 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Scarica in formato ePub Volkslieder 50%.svg  di Autori vari

45

. (Annalas XII, Vital, p. 254/5.)

Eu vegn davent da chà
Tuot sconfortà
Causa ün nom bramà,
Chi m' ha il cour furà
5 Con grand' amur.

Meis cour ais conturblà
Per grand' amur,
Meis cour anguschià,
Dalet quel m' ais passà,
10 Il sang m' ais smort.
 
Con suas dad amur
Sun eu lià;
Chadainas e liams
Fermà han ils meis mans,
15 Ah, crudeltà!

Ah, tschels, cridai con mai
Per ün tal cour;
Il solai plandscherà,
La glüna criderà,
20 Ils planets per mai.

Stailas da grand' onur,
Considerai vus:
Ün nom usche amà
Am ais davent sdrappà,
25 Ah, che dolur.

Tü terra non tardar
Da portar fluors
Per allegrar meis cour,
Chi arda dad amur
30 Giand as spassind.

Neir l' aua del grand mar
Non po 'l rivar;
Ne' ls flüms da tuot il muond
Non pon neir bricha zuond
35 L' amur stüzzar.

Addieu, ah, tü mal muond
Con teis dalet;
Mia guerra ha fini,
Meis cuors quel ais compli
40 Aint in quist muond.

Addieu, cour char amà,
Addieu, pom desiderà,
Addieu tesor!
Ah Dieu, che crudeltà,
45 Barbarità.

Guardai da non cridar,
Larmar per mai ingün;
Il sain dessan sunar,
Meis corp per compagnar
50 Nel champ beà.