Eu vegn in vi et vegn in nan
 |
Questo testo è completo, ma ancora da rileggere. | |
| ◄ | O che nüna lungia via | 2 | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
72.
(Annalas XIV, Vital, p. 254 — 55.)
Eu vegn in vi e vegn in nan
E chat per tuot da far;
Perque schi ha tut avant mai
Da non am maridar.
5 Pero schi gniss ün bel giuvnet
Suainter il meis cour,
Non voless dir ne na ne nun
Da non il volair tour.
Lura non ’vess eu bricha temma,
10 D’esser ingiannada,
Ma ils mattuns quels paran buns
E sun noscha brajada.
Els dan pleds dutschs be sco il meil,
Chi fouran tras il cour,
15 Ma la malizia, chi han aint
Ingün non po dir our.
Dadoura via paran bels
E dadaint sune farisers;
Dadoura via paran buns
20 E dadaint spinan sco ’ls charduns.
Ün grand dalet ais in quest muond
D’avair marus bels mats;
Ma ancha plü felicità,
Schi non füman tabac.
25 Ün grand dalet ais in quest muond
D’avair marus da vaglia;
Ma ancha plü felicità,
Chi non sajan bavaders.
Ün grand dalet ais in quaist muond,
30 D’avair eir ün bel hom;
Ma ancha plü felicità,
Sch’el ais ün gentilom.
Ün grand dalet ais in quaist muond
D’avair’ na bella duonna,
35 Ma ancha plü felicità
Sch’ell’ais ’na gentilduonna.