Giavüsch la buna saira

Da Wikisource.
Jump to navigation Jump to search
romancio

Peider Lansel 1908 G Giavüsch la buna saira Intestazione 22 febbraio 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Scarica in formato ePub Volkslieder 50%.svg  di Autori vari

30.

(Annalas VI, Derin, p. 53/4.)

Giavüsch la buna saira
Charischma matta bella
Eu fich giavüsch pel veira
Da sezer jo sper ella.
5 Bainvgnü persuna chara
Bain jent eu as vez vgnond
D' algrezia singolara
Meis cor va movantond.

Eu less ruvar vus bella
10 Scha 'm fessat ün pa d' larg,
D' am sezer jo sper ella
Da vossa dretta vart.
Vo dumondais licenzia
Licenzia' s vögl eu dar,
15 Vossa bella presenzia
Po chöntsch quai operar.
 
Sün la licenzia datta
Am vögl eu qua tschantar
Sper vo o bella matta
20 Eu' s rov d' am perdunar.
Ingüna perdunanza
Vaivat da dumondar
Vossa bella crajanza
Laivat usché mossar.
 
25 Scha dasçhess a vo bella
Üna chosa dumondar,
Siond eu sun qua sper ella
Vos man nan da piglar.
Vo bel scha as degnaivat
30 Il meis man via da tor
Schi la licenzia vaivat
Dun via da bun cor.

O buna sort, fortüna
Ch' eu n' ha d' alejer star
35 Vossa bella persuna
Vögl havair dumondá.
Sch' eu daschess a vo bella
Meis cor apalisar
Schi üna chosa ad ella
Vuless eu declarar.

Vo bel in confidenzia
Podai 'vos cor slargiar,
Haiat brich dubitanza
Ch' eu svögla snarantar.
45 Vo bella ma marusa
Eschet infin a qua,
Uossa per mia spusa
S' vögl havair dumonda.

O che gronda dumonda
Cha vo vai' fat a mai,
50 A mai para bain gronda
Pero nu snai eu quai.
Mes cor eir coresponda
A vo o sar vo bel,
Da quai am fetsch grond bonder
55 L' amur ch' eu port ad el.

O che dutscha rasposta
Vo bella am daivat qua
Cha bè per quist aposta
Per far quist pass sun gnü.
60 Eir la vossa dumonda
Meis cor ha movantà
Prov cuntainteza gronda
Cun vo da far müstà.

Lung temp ch' eu 's ha amada
75 Vo bella in secret
Uossa in üna jada
Vai' surleivgia meis pet.
Eir eu chara persuna
N' ha il meis cor cuntaint
80 Siond ch' a vo adüna
N' hai tgnü in meis imaint.

Vo mia diletta spusa
Uossa as poss nomnar
Chosa plü alegrusa
85 Nu' vess podü dvantar. … …
E vo persuna chara
Uossa 's poss dir meis spus
O sort, fortüna rara
D' am alegrar cun vus.
 
90 Cha' l tschel ans benedescha
Vulains dir amenduos
Cha nos fats reuscheschan
Tenor vögla da Diou! —