L Signal (grafia moderna)
 |
Questo testo è incompleto. | |
Aldis' iló a mesanöt chël stlinghinamënt
Jö sot Corvara jön chi Plans dlungia rü?
Al é le Bracun assassiné cun tradimënt
Da chël da Coz, le plü gran lotrun dlunch temü.
Odëis' sön ciaval blanch ciavalier sproman
Travers i Plans y sura l' ega ia de sbunf?
Francësch de Brach vá dlun' chirin te chël bel plan
So gran nemich por gran vendëta y gran triunf.
Ciarede iló dui ciavaliers de fosch vistis,
Tla löm dla löna tler slominan!
pagina:24
Le brau Bracun él y chël ri Coz, dalunc aldis
Jon a sprom por chi Plans dlun' se baton.
Aldis' tl chît dla doman chël sonn bel tler,
Che fej döt cez ch' é mort bel plan ressorí?
L' "Angelus" él, che despartësc le dür fer dal fer,
Fajon tra chi de Coz y Brach la pesc n de.