Le medemo jê datrai na ota da pelegrin a Roma

Da Wikisource.
Jump to navigation Jump to search
ladino

Micurà de Rü L Le medemo jê datrai na ota da pelegrin a Roma Intestazione 16 marzo 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Le medemmo gê datrai 'na ôta da pelegriǹ a Roma

Le medemmo gê datrai 'na ôta da pelegriǹ a Roma, e per ćiaffè bëiǹ da mangé e da bëire se mostravel meffo dërt devot e sant. Per via de quëst fòvel a Roma delung bëiǹ ingnü, e finamai prò ćertg Cardinai.

'Ǹ dé ch' ël fô inte l' ospedäl di pelegriǹs, vëgnl 'ǹ Cardinal a odëi quìŝ pelegriǹs ch' ê illò da diverses provincies. Quanche quest Cardinal arriva delungia nost óm, diŝl i pettaǹ coǹ la maǹ seu la sciabla: "Voi siete un uomo santo!" Seu 'ǹ quëst se pensava nost pelegriǹ: Ŝé, va mó damana l'ostì da La Villa, cotaǹ "santo" che jeu suǹ. Quëst fô 'ǹ ostì de 'ǹ lüeg, çhiamè La Villa, olà che "l' omo santo" gêva gonót a bëire e coǹ quël ch' ël a(ve)va iǹ min de çhié da stritté, per via de quël ch' ël restava debit e ne paÿava mai.