Less ir a plaz, less ir a plaz

Da Wikisource.
Jump to navigation Jump to search
romancio

Conradin de Flugi 1908 L Less ir a plaz, less ir a plaz Intestazione 22 febbraio 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Scarica in formato ePub Volkslieder 50%.svg  di Autori vari

1.

(Romanische Studien I, Flugi, p. 327/8.)

Less ir a plaz, less ir a plaz,
Scha las mattans am lessan:
Las tramagliar, las dumandar,
Sch' ellas a mai piglessan.

5 Subit ch' eu sun sül plaz rivâ.
Schi n' hai partuot guardâ:
La mia marusa d' üna vart
N' hai eu subit clomâ.

N' ha gnü discuors, raschun con ella
10 Da gran melanconia:
Cha be per quai, cha be per quai
Meis cour quel legua via.

Sch' eu congüstess e sch' eu avess
Üna spusa zuond richa,
15 Ed impero ch' ella nu vess
Ne senn e neir giüdizi —

Senn e giüdizi pola vair,
Il Segner benedescha,
Ma la superbia sbassa bod
20 Chi d' ella mnar as lascha.

'Na bella duonna völg avair,
D' inuonder ch' ella vegna;
All' ustaria la völg mantgnair
E far que ch' ella vöglia.

25 Sch' eu spend ün baz schi not eu duos
Per far ma duonna bella,
Per ch' ella possa bain mangiar
Il rost our d' la padella.

Quel vin rösin e quel pan fin
30 Dess mia duonna mangiar,
E quel vin asch e quel pan nosch
Laschain par dar als giasts.