Non ais que possibel quia
 |
Questo testo è completo, ma ancora da rileggere. | |
| ◄ | O tü bel fittamaint | O di 'm ün pa, compagnett' adorabla | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
43.
(Annalas XII, Vital, p. 247/8.)
Non ais que possibel quia,
Cha tieu cour possa s’ lamger?
Non cognuoschast la fadia,
Ch’eau per te stögl indürer?
5 Ach, chera, dutscha bella,
Poust esser taunt crudella
Vers da me, chi non aspir,
Co da’ t plaschair o da murir?
O, schi cognuoscha dimena,
10 O ma vit’e mieu cour cher,
Ch’eau soffresch per te ’na paina
Ch’üngün mê po s’impisser.
Ah Dieu, scha tü savessast
Ed aint in mieu cour vezzessast
15 Tuot l’excess da mia dolur
E da mia sincer’amur!
Schi del sgür, cha tieu cour cher,
Vzand, ch’eau sun usche sincer,
S’alamgess e ’m dess cuffort,
20 Non podiand pü resister.
Perche flamma pü püra
Non ais nella natüra,
Co quella, chi ais in me,
Chi’ s consüm’usche per te.
25 A mieus gienituors ingrazch eau
Qui nel muond da’ m avair miss;
Ma da te dependa uossa
Il restante da mieus dis.
Dutsch ogget da mia vita,
30 Fo dimena, cha eau viva!
Con ün pled porto dal cour
Fo’ m reviver e do’ m cuffort,
Non prolungunar pü quia
Que momaint taunt giavüscho,
35 Chi t’unescha cul cour mieu
Ed am renda fortüno.
Avra tia buocha bella,
Cha mieus giavüschs sajan complieus,
Cha noss cours sajan unieus!
40 Asgüreda sajast quia:
Fin cha fled in me saro,
Schi mieu cour con allegria
A te saimper amero.
Ve, cha noss ögls ageschan
45 E cha noss cours s’uneschan;
In tia grazia fo ’m avair
Que suprem e grand plaschair.