O spus' adorabla

Da Wikisource.
Jump to navigation Jump to search
romancio

Andrea Vital 1908 O O spus' adorabla Intestazione 17 settembre 2015 25% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Scarica in formato ePub Volkslieder 50%.svg  di Autori vari

68.

(Annalas XI, Vital, p. 201 — 3.)

O spus' adorabla,
Nel champ sun clamo;
Piglier stögl aquia
Con dolur, fadia
5 Da te, o ma chera,
Ün trist cumgio.

Che novas crudellas,
Chi m' haun stovieu gnir;
La charta hersaira
10 Dad ir in la guerra
M' ais gnüda pür memma,
Ch' eau stögl am partir.

Schabain ch' eau podaiva
Que cò m' aspetter,
15 Tuottün' in quaist etta
Da te, ma diletta,
Schi que non crajaiva
Da' m stovair separer.

Dimena prepara' t,
20 Pigl' anim, mieu cour!
La sort ais crudella
Da stair lascher quella,
Chi ais be suletta
Ma spraunz' ed amur.

25 Non poss am resolver
Davent da partir;
Per l' ultima geda
T' abbratsch, mi' ameda,
Cha 'l Segner am lascha
30 Tiers te inavò gnir.

Per me tü non plaundscher,
Ne vögliast crider;
Radschun bain plü granda
'Vess larmas da spander;
35 Perche cha la vita
Stögl forsa lascher.

Il Segner at chüra,
Ma chera, sto bain!
T conserva fidella,
40 Con me sajast quella
Sco m' est saimper steda
Infin al preschaint.

Per tel rov' il Segner
Ed ura per me,
45 Ch' obtegnans victoria
Sül champ della gloria,
Bainbod cha eau possa
Turner cò tiers te.

Schi, uossa con larmas
45 Nels ögls eau 't bandun,
Cun bütschs e salüds,
Sandet e giavüschs;
Da nu 'm smancher via
Da cour t' recomand.

50 Vus chers bap e mamma,
Eau stögl s' banduner;
In sandet Dieu s' lascha,
La grazia am fatscha
Bainbod cha eau possa
55 Darcho as brancler.