In Ollanda viadi

Da Wikisource.
Jump to navigation Jump to search
romancio

Andrea Vital 1908 I In Ollanda viadi Intestazione 17 settembre 2015 25% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Scarica in formato ePub Volkslieder 50%.svg  di Autori vari

67

. (Annalas XIV, Vital, p. 203 — 4.)


In Ollanda viadi,
Sapcha Dieu, sch' eu tuorn a chasa;
Ost' il Segner da contradi
Sül viadi, ch' eu farà.

5 Dunqu' addieu, vus bap e mamma
E vus oters frars e sours;
Eu ha 'na macla sün meis cour,
E quella non das-ch … eu dir our.

Pür di oura, tü meis figl,
10 E non esser usche civil;
Scha quella macla t' poss levar,
Schi quella giuvna t' lasch spusar.

Dunqu' addieu, tü mia chara,
Tü per mai eir non cridar;
15 Scha Dieu voul, ch' eu tuorn' a chasa,
Schi a tai vögl eu spusar.

Sia ch' eu giaja o ch' eu stetta,
Schi t' ha saimper in immaint;
Eir sch' eu sun da mala vöglia,
20 Schi' t giavüsch eu ogni bain.

Eir sch' eu vegn con els a baiver,
Fetsch eu finta d' esser aiver,
Fetsch eu finta d' esser stuorn,
Dschand: viva quella cha eu am.

25 Scha la spelma dvantess vigna,
E landroura gnissa vin,
Fin ch' ais sang in mas avainas,
T' amerà eu da contin.

Sch' eu m' impais sün quella saira,
30 Dis ed uras e momaints,
Ch' eu con tai eir conversaiva,
O che dutsch impissamaint!

O partenza dolorusa,
Cha que ais bain eir per mai,
35 Separar d' ma chara spusa,
O che trista chos' ais quai!

Tocca man, tü mia chara,
Tocca man, eu vegn davent;
Tuot la compagni' am spetta,
40 Addieu, chara, e sta bain!