Poesie (Porta)/100 - Sura Caterinin, tra i bei cossett

Da Wikisource.
Jump to navigation Jump to search
100 - Sura Caterinin, tra i bei cossett

../99 - Rivi de Barlassina appenna adess ../101 - Sent Teresin, m'en s'eva daa anca mì IncludiIntestazione 27 settembre 2008 75% poesie

Carlo Porta - Poesie (XIX secolo)
100 - Sura Caterinin, tra i bei cossett
99 - Rivi de Barlassina appenna adess 101 - Sent Teresin, m'en s'eva daa anca mì

 
Sura Caterinin, tra i bei cossett
che la gh’ha intorna e che ghe fan onor,
gh’è quell para de ciapp e quij dò tett
ch’hin degn de guarnì on lett de imperator.

Oh che tett! Oh che ciapp plusquam perfett!5
collogaa a voeuna a voeuna de per lor,
sald al post senza zent, senza farsett,
comor, che paren faa da on tornidor.

Per mì sont chì a giugagh el mè salari
che la moeuv pussee usij lee col vardà10
che i olter donn cont el voltalla in ari.

Basta dì che mì istess di voeult arrivi
a cercall di mezz’or s’hoo de pissà,
e ghe l’hoo drizz e dur adess che scrivi.