Poesie (Porta)/111 - Nò Ghittin: no sont capazz

Da Wikisource.
Jump to navigation Jump to search
111 - Nò Ghittin: no sont capazz

../110 - I PUTANN AI "DAMM DEL BESCOTTIN" ../112 - APPARIZION DEL TASS IncludiIntestazione 27 settembre 2008 75% poesie

Carlo Porta - Poesie (XIX secolo)
111 - Nò Ghittin: no sont capazz
110 - I PUTANN AI "DAMM DEL BESCOTTIN" 112 - APPARIZION DEL TASS

 
Nò Ghittin: no sont capazz
de traditt: nò, stà pur franca.
Mettem minga insemma a mazz
coj gingitt e cont i s’cianca.

Quell che dighi, t’el sicuri,5
el sarà né pù né men...
Ven scià... dammela... te giuri
de vorrett anch pussee ben...

Cara tì... Ghittin!... Perché
te me fet tant trebullà...?10
Te voeu nanch damm sto piasè?...
Che bel spass de famm penà!...

Oh Di... Dio...! che tettinn!
Almanch quist... lassa... Ghittin...
com’hin bej... bianch... moresinn...15
lassa almanch fagh sù on basin;

Oh Signor!... Perché guarnaj?
Vedet lì come te fee?...
On frecass...! Chi te voeu mai?
Giust inscì: sont mì coj pee.20

Ven nessun... stà pur sicura...
La Geltruda?... L’è adree al vin:
don Giovann?... L’è andaa a la cura,
el Tognoeu?... L’è al cardeghin.

Cara tì, ten giò quij man...25
Ah el mè ben! lassa che tocca...
on sciscion... varda... foo pian...
sto borin... domà on poo in bocca...

Ah! en poss pù! dammela... lassa...
Che bel cuu!... fidet... pesseghi...30
pondet... tas... chì... su stà cassa...
lassem fà... slarga... te preghi...

Ah che gust!... Cristo!... Signori...!
Toeu... daj... streng... calca... dagh fort...
Off! Di... o... L’anima! toeu... sbori...35
Ah Ghi... Ghi... Ghittin... sont mort!

S’ciavo Ghitta... corri via
che di voeult mai don Giovann...
Affar faa, bon dì sciuria!
L’hii capida i mee tosann?40