Poesie (Porta)/127 - Pret, tosann, vicc, bagaj, sant de mestee
 |
Questo testo è completo. | |
Carlo Porta - Poesie (XIX secolo)
127 - Pret, tosann, vicc, bagaj, sant de mestee
| ◄ | 126 - L'oltrer de sira, per dà on poo de biada | 128 - AVENDO L'EX ABATE SENATORE VERRI STAMPATA UN'OPERA CRITICA CONTRO IL PITTOR BOSSI | ► |
Pret, tosann, vicc, bagaj, sant de mestee,
saree subet sto liber e andee a spass,
ch’el tratta la pù part robba de grass,
robb de teng anca on moeugg de carbonee.
Fin quell pocch che sarav per el pattee5
l’è insemma cont el gramm a mucc a fass,
talment che l’è pù fazil de trovass
on guggin de Paris in d’on pajee.
Donca hii capii, mettii de part i grij
de scernì foeura el bon, perché sto gust10
l’è tropp soffegaa in mezz ai porcarij,
e per spiegavel mej, fee cunt ch’el sia
come el gust de ciavà, che anch lu el stà giust...
Mò vedij... hii vorsuu legg... toeuj, portee via.