Poesie (Porta)/128 - AVENDO L'EX ABATE SENATORE VERRI STAMPATA UN'OPERA CRITICA CONTRO IL PITTOR BOSSI
 |
Questo testo è completo. | |
Carlo Porta - Poesie (XIX secolo)
128 - AVENDO L'EX ABATE SENATORE VERRI STAMPATA UN'OPERA CRITICA CONTRO IL PITTOR BOSSI
| ◄ | 127 - Pret, tosann, vicc, bagaj, sant de mestee | 129 - Sura Peppina, n'hoo pien i cojon | ► |
AVENDO L’EX ABATE SENATORE VERRI
STAMPATA UN’OPERA CRITICA
CONTRO IL PITTOR BOSSI
Quand leggi quell tò liber contra el Boss
te me paret on can
che sott ai dent el faga scrizzà i oss;
la sarà famm de gloria e la sarà
ona famm onorada,5
ma per brio bacco, no se pò negà
che no la sia ona gran famm rabbiada;
ma quand poeù pensi che on italian,
anzi on nost buseccon,
el la toeu contra on olter per stringall,10
per tajall a boccon,
per divorall,
no poss a manch de dì che te see on omn
Verr de fatt e de nomm.
Perché el cas che on fradell mangia i fradij15
l’è on cas che nol se dà che in di porscij.