Poesie (Porta)/16 - Varon, Magg, Balestrer, Tanz e Parin

Da Wikisource.
Jump to navigation Jump to search
16 - Varon, Magg, Balestrer, Tanz e Parin

../15 - E daj cont sto chez-nous: ma sanguanon! ../17 - Quand passi dalla piazza di Mercant IncludiIntestazione 27 settembre 2008 75% poesie

Carlo Porta - Poesie (XIX secolo)
16 - Varon, Magg, Balestrer, Tanz e Parin
15 - E daj cont sto chez-nous: ma sanguanon! 17 - Quand passi dalla piazza di Mercant

 
Varon, Magg, Balestrer, Tanz e Parin,
cinqu omenoni proppi de spallera,
gloria del lenguagg noster meneghin,
jesuss! hin mort, e inscì nol fudess vera.

Ma s’hin mort sti torcionn de tanc stoppin5
nanch per quest se pò dì ch’emm fornii brera
gh’emm anmò pizz on fior de lanternin
coj reverber e i veder de minera.

Gh’emm on Pader Garion, Domenican,
viv vivent ch’el Signor ne l’ha daa apposta10
per conservà la gloria de Milan;

inscì nun meneghitt con sto brav omm
gh’emm i sett maravej tutt in cà nosta:
i primm cinqu, lu che ses, e sett el Domm.