Poesie (Porta)/45 - Marcanagg i politegh secca ball
Questo testo è completo. |
Carlo Porta - Poesie (XIX secolo)
45 - Marcanagg i politegh secca ball
◄ | 44 - Remirava con tutta devozion | 46 - Sissignor, sur Marches, lu l'è marches | ► |
Marcanagg i politegh secca ball,
cossa serv tanc descors, tance reson?
Già on bast infin di facc boeugna portall,
e l’è inutel pensà de fà el patron;
e quand sto bast ghe l’emm d’avè suj spall5
eternament e senza remission
cossa ne importa a nun ch’el sia d’on gall,
d’on’aquila, d’on’oca, o d’on cappon.
Per mì credi che el mej el possa vess
el partii de fà el quoniam, e pregà10
de no barattà tant el bast despess,
se de nò, col postà da on sit all’olter
i durezz di travers, reussirà
on spellament puttasca e nagott olter.