Poesie (Porta)/46 - Sissignor, sur Marches, lu l'è marches

Da Wikisource.
Jump to navigation Jump to search
46 - Sissignor, sur Marches, lu l'è marches

../45 - Marcanagg i politegh secca ball ../47 - Mò sissignor, no gh'hoo vergogna a dill IncludiIntestazione 27 settembre 2008 75% poesie

Carlo Porta - Poesie (XIX secolo)
46 - Sissignor, sur Marches, lu l'è marches
45 - Marcanagg i politegh secca ball 47 - Mò sissignor, no gh'hoo vergogna a dill

 
Sissignor, sur Marches, lu l’è marches,
marchesazz, marcheson, marchesonon,
e mì sont el sur Carlo Milanes,
4e bott lì! senza nanch on strasc d’on Don.

Lu el ven luster e bell e el cress de pes
grattandes con sò comod i mincion,
e mì, magher e biott, per famma sti spes
8boeugna che menna tutt el dì el fetton.

Lu senza savè scriv né savè legg
e senza, direv squas, savè descor
11el god salamelecch, carezz, cortegg;

e mì (destinon porch!), col mè stà su
sui palpee tutt el dì, gh’hoo nanch l’onor
14d’on salud d’on asnon come l’è lu.