Poesie (Porta)/47 - Mò sissignor, no gh'hoo vergogna a dill

Da Wikisource.
Jump to navigation Jump to search
47 - Mò sissignor, no gh'hoo vergogna a dill

../46 - Sissignor, sur Marches, lu l'è marches ../48 - Carlo Porta poetta Ambrosian IncludiIntestazione 27 settembre 2008 75% poesie

Carlo Porta - Poesie (XIX secolo)
47 - Mò sissignor, no gh'hoo vergogna a dill
46 - Sissignor, sur Marches, lu l'è marches 48 - Carlo Porta poetta Ambrosian

 
Mò sissignor, no gh’hoo vergogna a dill,
hoo vorsuu ben anca a Napoleon,
e fina tant che l’è staa lu el patron
gh’hoo faa onor col servill, coll’obbedill;

e adess dighi, e sont pront a sostegnill,5
ch’anca a Franzesch ghe vuj ben benonon.
Cazzo! el me paga, e sarev ben birbon
se avess minga de amall, de benedill!

E quest ghe provarà che mì i sovran
i rispetti, i obbedissi, e i lassi fà,10
e ghe sont grato quand ghe mangi el pan.

Che infin poeù el voeur dì quest, che in del me coeur
almanch quajcoss de bon ghe stà de cà,
che in del sò ghe stà fors quell che Dio voeur!