Poesie (Porta)/68 - Sonetti stampati sul secondo numero del giornale "BIBLIOTECCA ITALIANA"/5 - Cazzo! el me dis che i soeu paroll toscann

Da Wikisource.
Jump to navigation Jump to search
68 - Sonetti stampati sul secondo numero del giornale "BIBLIOTECCA ITALIANA"

5 - Cazzo! el me dis che i soeu paroll toscann

../4 - Natan profetta (e questa sur Abaa ../6 - Se i Milanes col scriv in Milanes IncludiIntestazione 27 settembre 2008 75% poesie

68 - Sonetti stampati sul secondo numero del giornale "BIBLIOTECCA ITALIANA" - 4 - Natan profetta (e questa sur Abaa 68 - Sonetti stampati sul secondo numero del giornale "BIBLIOTECCA ITALIANA" - 6 - Se i Milanes col scriv in Milanes

Chiunque, se gli accade doversi abbassare parlando con gente rozza, se venga sorpreso da violenza d’ira si abbandona al favellare degli idioti... ma... se debba coi magiori trattare... si alza al parlare italiano
Pag 174

 
Cazzo! el me dis che i soeu paroll toscann
hin tutta grazia, tutta ziviltaa,
e poeù dopo el né sgogna a brazz de pann
senza che gh’abbiem faa né ben né maa?

Ma cazzo, s’el voreva strapazzann,5
el doveva almanch fall in sbottasciaa,
sbassass, com’el dis lu, trattann, parlann
cont el lenguagg di goff e di rabbiaa!

Inscì mò, coss’hal faa con la soa platta?
L’ha sassinaa de pianta i soeu argument10
e el s’è desfaa lu de per lu la fatta,

e col vorè sta sù e fà el caga in l’olla
l’ha obblegaa a volzass nun per stagh arent
e a digh sù in bon toscan Stelle che Chiolla!