Poesie (Porta)/68 - Sonetti stampati sul secondo numero del giornale "BIBLIOTECCA ITALIANA"/4 - Natan profetta (e questa sur Abaa

Da Wikisource.
68 - Sonetti stampati sul secondo numero del giornale "BIBLIOTECCA ITALIANA"

4 - Natan profetta (e questa sur Abaa

../3 - Donca senza savè el lenguagg toscan ../5 - Cazzo! el me dis che i soeu paroll toscann IncludiIntestazione 27 settembre 2008 75% poesie

68 - Sonetti stampati sul secondo numero del giornale "BIBLIOTECCA ITALIANA" - 3 - Donca senza savè el lenguagg toscan 68 - Sonetti stampati sul secondo numero del giornale "BIBLIOTECCA ITALIANA" - 5 - Cazzo! el me dis che i soeu paroll toscann

Insinuare etc. etc. Il popolo non ha altro mezzo etc. etc. ... Senza di che dodici volumi sono troppi.
Pag 174, 175, 177

 
Natan profetta (e questa sur Abaa
l’è moral de la bona e de la bella)
l’è andaa de David, dopo quell peccaa
ch’el sa poeù lu, a cuntagh st’istoriella.

David, giustizia! On ricch pien ras sfondaa5
de bèe, de boeu, de becchi, de scarsella
l’ha traa in setton de pianta on desgraziaa
robandegh ona pocca pegorella.

David, che l’eva on re puttost fogos,
Andov’eel, el respond, sto becco etzettera...10
ch’el poda fà inciodà sora ona cros?...

Bell, bell, allora Natan el repia,
manch foeugh, ché, a redù i coss proppi a la lettera,
tì te see el ricch e el desgraziaa l’è Uria.

Istess cont usciuria15
bajaroo on poo anca mì Natan nostran.
Come?... Lu che l’è dent coj pee, coj man,

col coo, col fabrian
in di rimm de Toscanna, e ch’el ghe n’ha
de fà lecc a cavaj, de impinn di cà,20

el gh’ha el coracc de fa
la guerra a su pocch nost dodes tommitt,
all’unega berina di Bositt?

Lu, dighi, el gh’ha el petitt
de sgognann, soppedann, rompen la pippa?25
Che azion de porch, sur David de la lippa!