Poesie (Porta)/68 - Sonetti stampati sul secondo numero del giornale "BIBLIOTECCA ITALIANA"/Sonett proemial

Da Wikisource.
Jump to navigation Jump to search
68 - Sonetti stampati sul secondo numero del giornale "BIBLIOTECCA ITALIANA"

Sonett proemial

../1 - Grazie, obbligato a quell sò bell penser IncludiIntestazione 27 settembre 2008 75% poesie

68 - Sonetti stampati sul secondo numero del giornale "BIBLIOTECCA ITALIANA" - 1 - Grazie, obbligato a quell sò bell penser

 
Sonett proemial

Largo largo che passa don Giavan
cont el gran valison di soeu talent,
poffar de bio, pò dass! ma el gh’ha fin dent
el gran secrett de drizzà i gamb ai can!

Alto, presto, a lor sciori a dass de man5
per l’etichetta de rezeviment.
Foeura coeugh, palch, carrocc, appartament
pilla, salamelecch, trusc e baccan!

Don Giavan l’è on omon strasordenari,
l’è el papa del gran tempi de la gloria,10
l’Imperator di articol letterari.

L’è el gran Kan de l’onor, del disonor,
per donna de servizzi el gh’ha l’istoria
e i poster tucc dedree per servitor.

Donca i mee sciori a lor,15
a leccall, a palpall, a morisnall,
a impienill sora tutt e a sagollall

perché nol faga el ciall,
ché dininguarda, Esuss Maria! a nun,
s’el smolla la valis anmò degiun.20