Poesie (Porta)/78 - Per soa desgrazia on orb l'eva ammalaa
 |
Questo testo è completo. | |
Carlo Porta - Poesie (XIX secolo)
78 - Per soa desgrazia on orb l'eva ammalaa
| ◄ | 77 - PER EL MATRIMONI DELLA SURA VIOLANTINA PORTA COL SUR ANTONI LANDRIAN | 79 - Quand vedessev on pubblegh funzionari | ► |
Per soa desgrazia on orb l’eva ammalaa
D’on mal infiammatori, e el se trovava
lecc a lecc in crosera a l’Ospedaa
cont on etegh spedii che spolmonava.
Al pover orb ch’aveven ordenaa5
la dietta più granda, e se ghe dava
trii pantriditt al dì tant mesuraa
che, signor! el borlava e el straborlava.
De moeud che ona mattina sto meschin
el sent in la streccioeura on certo son10
come d’on piatt pondaa sul tavolin,
e lu foeura la sciampa inscì a taston,
inscambi del pantrid ranca el spuvin,
e giò tucc i margaj: Peh! che porcon!