Poesie (Porta)/96 - Già hin tutt smorfi traa via per nagotta
 |
Questo testo è completo. | |
Carlo Porta - Poesie (XIX secolo)
96 - Già hin tutt smorfi traa via per nagotta
| ◄ | 95 - Dormiven dò tosann tutt dò attaccaa | 97 - L'è mò vora cara lee | ► |
Già hin tutt smorfi traa via per nagotta,
no foo pas pù, no foo pù pas sicur,
che la staga pur rotta se l’è rotta,
quant a quest sont todesch zorocch tì e mur.
Oh, per adess gh’hoo stomegh de stà a botta5
a tutt quant i soeu vergna, ai soeu figur,
che se la me vegniss anca in lecc biotta
la pienti e scappi inscì in camisa al scur.
Donca la m’ha capii, parlemmen d’olter,
lee che la tenda drizz per la soa part,10
e mì anch mì per la mia, e noccorrolter.
Foo poeù cunt che sarev on gran salamm
se ris’ciass col fà lumm al terz, al quart,
de destrugà el mocchett e de insciramm.