Por la Secunda Massa Noëlla dë Sior Corat dë Badia
 |
Questo testo è da formattare. | |
Sonët. Por la Secunda Massa Noëlla dë Sior Corat dë Badia ai 5 d' Agost 1852. Por dis incö chi dë Badia.
Tgi en bël dë ch' al ë incö,
Cang gnaral pa indo ensö
Ma ch' ai stlëf i mortai
Chë tang bël n' ël plo mai.
Ung incö nos Sior Corat
Che na të ligrazza n' ës ha fat,
Ch' fat důt cal ch' ung orü,
Cal chë Badia n' ha mai odü.
Al n' es ha dit Massa Noëlla,
E tgi Fësta ë pa tang bëlla,
Chë cang en Pro va pro altè
Do tsingcant agn ch' al ë bël stë.
Sior Corat ch' ë vëdël ë gris
E giamo ël miù të nos pais
Al odai tang san ë intung
Së godons ch' Al ë tang bung.
pagina:2
Sëbaing ch' Al ha tang laurè
Na te gran cüra a manasè
Folle inpo incö dar gaiert
E bung frasc adora e tert.
Në laissë aldì incö tgiantang
Cang Al offrì dël Tsil ël pang,
En Pro ch' ai na te us
Ollà n' ëllë? Sung ma sus.
Në laissë odü incö dant ai Di
Tang nos baing ch' Al chiri,
Al përià por Al, por nòs,
I' orung bung ch' Al ë tang pròs.
Dë di breviario Al cedü
Purgì insö ha ël Vasco orü,
Mo të Dlisia ël Al ël Prüm,
Ang se god ch' Al ha en te slüm.
Por n' es tra sö a Parais
Veghël el tgë, lës mans, i pis
E al Tsil vall' a süa sant
El Prüm dagnara dant.
Prai ch' Iddi n' es El conserve
E d' Al perdë al n' es straverde
Ch' Al i dì dar vita lungia
Ch' Al sì ai grain, ai pitsi dlungia.
pagina:3
Sior Domane ë rovè a darlerc,
E ha tut pro nòs l' alberc,
E bung ch' Al n' es ë gnü,
Ch' en Prolot n' ang mai odü.
Al ë pro nòs saing të Badia,
E d' ëstër brau n' ën sal pania,
Al ës dormì ing ët' eng parü,
Chë ës pa cas chërdü?
Al ë gnü a n' es tsaffè
Ch' ung di nòs ël Al rëstè,
O s' Al në mëssas të so Convant
N' El lasasung plö sì inant!
Cas 'n es fes de bona vöia,
E së ang ës gë dë val la möia,
S' incö masla dëmëz
Ch' al ë pro nòs ël Pro Damëz.
Nos Canonic ch' ha perdichè
Tang tro̊p s' al insignè!
E cal chë Al n' es ha dit
Tel cör n' es rëstël scrit.
Al ha vaghè por nòs na munt,
Prai ch' Iddi il mat ing cunt,
Signurs chë va vistis dë ròs
Vaighën sis dainrë pro nòs.
pagina:4
S' Iddì i dà giamo trots agn
Ha i Ampëzzain ën gran vadagn,
Purgì ën të Pro, ën të Famäi
Në n' ëllë iniò, insö disi ai.
Taing dë Proi ch' al n' es ë gnü,
Tgë dë chi ch' ang n' ha consü,
Taing n' ën rüvël mai plö a düm,
Zanza atira indo ën të füm.
E tang dë sant ch' al së abinè
Ch' ang stè të Dlisia a s' abissè,
E dütg fo dar corius
S' ai n' odò foi plains de crus.
E tgi portungs ch' ai ha alzè,
E tgi scritg ch' ai ha inventè.
Tang bël n' es al parü,
Chë chërdong ch' ël mon fos nü.
E tang ch' ai stloppetà.
E co ch' ai s' la vagà,
Al fo tröp por ën të lüc.
Ma inpö düt massa püc.
A Sior Corat dar diolang,
Incö ungse dütg el got in mang,
E scraiung: Al vir dar dì
E dar intung dagnara al sì!