Rätoromanische chrestomathie XI/Rätsel II
 |
Questo testo è completo. | |
| ◄ | Landwirtschaftsregeln II | Kinderlieder II | ► |
Rätsel.
1 Che fa il caluoster cur ch’el suna mezdi?
El serra il man via della sceva e tirra quella.
2 Sün qual mais mangian ils da Tschlin il plü pac?
Nel Favrer.
3 Che han quels da Cuoira minchadi aint in l’amna?
Dadaint il fuond e dadoura fulïa?
4 Da che temp fan quels da Sent adüna tets nouvs?
Linviern cun naiv.
5 Che guaffen ais güst in mez il comün da Scuol?
Il custab U.
6 Che fan ils 12 apostels minchadi sün tschel?
Üna donzaina.
7 Che po gustar plü bain co üna tazza d’ grama?
Duas tazzas.
8 Che chosa summaiglia il plü ad ün tschoc d’ fain?
Üna tschoc Adgiör.
9 Cur ais pe’ l paur la megldra insagna nel chalender?
Cur cha’ l deposit da seis aldüm ais plain.
10 Che chosa ais il plü grand asen in chasa.
Il cul.
11 Che chosa po esser quella, plü lung ch’ün fa e plü cuort chi vain?
La cuort nella chasa.
12 Chi ais quel chi sainz’ögls chatta la dretta via?
La lavina.
13 Chi va il plü spert davent da Samada gio Fuond?
Quel chi fonda nella naiv.
14 Qual cluchèr nell’Oengiadina non tocca, nel tschel ne la terra?
Il clucher da Ftan, chi sta tuot sün üna soletta peidra.
15 Sast nomnar üna bestia, chi non dorma ne sü’ l di ne la not?
Il pülsch.
16 Quala bestia sa chantar cu’ ls ögls serrads?
Il gial.
17 Qual ais il plü grand chamin in tuot il Grischun?
Il clucher da St. Niclà (filiala da Celin) ingio nel fuond ais la chadafö.
18 Che ün aguaigl pizgia l’human il plü ferm?
La conscienza.
19 Che butschin contegna duas sorts d’ vin, alb e cotschen?
L’öv.
20 Saimper chamin e maj non am mouv?
Il chamin dalla chadafö.
21 Che lö, u cità ha müraglias usche ottas, cha’ l solai l’inviern e la
glüna la stad non pon rivar suraint?
Il comünet Giarsun (filiala da Guarda).
22 Che chosa ais quella crüj non as chatta e cot non as po mangiar?
La tschendra.
23 Che chosa ais quella chi douvra il plü grond lö?
L’ajer.
24 Che chosa ais quella, cha ’l Signor vezza, il paur ha tschert temps, e’ l pover ha adüna?
La povertà.
25 Che diferenza chattast tranter l’imperatur e’ l pastur o sia il beschèr?
Il beschèr chüra sia bescha, e l’imperatur tuonda quella.