Rime diverse in lingua genovese/Lorenzo Questa a Cristoffa Zabata

Da Wikisource.
Jump to navigation Jump to search
Lorenzo Questa a Cristoffa Zabata

../D'incerto (Cristoforo Zabata) ../Demande d'adavinà IncludiIntestazione 29 dicembre 2013 75% Da definire

D'incerto (Cristoforo Zabata) Demande d'adavinà
[p. 123 modifica]


LORENZO QUESTA
à Christoffa Zabata.



E Dexiro da vui che me dighè
(Perche de questo dei sauei tratà)
Se a re chiape dre neghe se fa mà
Chi cauarcando va tente giornè.

5E s'hauei per camin patio assè
Per i egue spesse che conuen passà.
E se ro seto vi senti bruxà.
E s'esse a Zena chiù ve dexire.

E quenti di sei steto per camin
10E in quella sempre vergine Cittè
S'arriuassi da seira, o da matin,

E come feta l'hà ri dui Compè
Saruarezza, e Bernardi, amixi fin,
Perche hò de lò martello in verite,

15Perche d'amixi te
Fazo gran stima, come pu don fà
Per zo che lò ro meritan me pà.

E se a ro so tornà
Terran per ra Cittè chi a pe dro Pò
20Che voggiando di aora, dixan .

Ro nome no ro sò,
Ma di voeggio onde fan ri contadin
Formaggie, come roe da morin.

Ancon dexiro in fin,

[p. 124 modifica]

25Che me dighe quarcosa dra Cittè
De Venexa, e dre cose chiu aprexe.

Per zo che mi n'hò moe
Passaou chiu in là dro Ponte dro conchette
Ni sò trattà saruo de fà berette

30Ma chi vuoeggio dismette
Pero che vuoe partisse ro corrè
E da festa a ra penna, e a ro pape.

Se ben lasso a derrè
Pareggie cose che hauerea da diue,
35Puoe m'incresce hora moe de tanto scriue.

E se posso seruiue
De li, ve prego chi me comandè
E che chiu san che poei ve gouernè,

Questa da ra cittè
40Famosa, e bella, chi hà dui visi in testa
Ve scriue de so man Lorenzo questa.


RESPOSTA.



SE o no fuisse che ven messe Bastian,
Con messe Agosto dri Bernardi inseme,
Che de quello che tanto hora ue preme
Da mi sauei, tutto ve quinteran,

5E piggiereiua hora ra penna in man
Si ve direiua tante cose asseme
Re que moe no ghe penso che no treme

[p. 125 modifica]

Comenzando da l'egua de Magnan.

E d'unna strannia nauigation
10Feta de chinze migia zu per Pò
Onde fuimmo a perigo de negà

Su per unna burchiella, in concruxon
Ra quà per trenta sodi fù accatà
Da un certo che ro nome no ghe sò.

15Digo che si leuò
Una fitta borasca, con tà vento
Chi n'inchi tutti quenti de spauento

In fin con monto stento
E gran trauaggio, e penna asse de cuoe
20Tutti a soromboron, zeimo a Stizzuoe

Ne sourazonse puoe
Per zuinta un'egua fraza chi ne fè
Cria chiù d'unna votta oime, oime,

Questo creime, perche
25Se trouamo intrun boscho, ne saueimo
Donde, e tente formigore pareimo,

Perche portà no poeimo
Be robe nostre, e l'egua ne scorraua
Ni se poeiua stà in pe che si scugiaua

30Pensè vui come staua
Caschun de nui, lonzi da l'hostaria
Ch'era de nuette za l'Aue Maria.

Son scorso fuoe de via
Che tente cose non vorreiua scriue

[p. 126 modifica]

35Che megio questi dui saueran diue.

Procurè san de viue
E in gratia vostra (se pu ne son degno)
Conserueme, e dro Preue de Rouegno.

Che no vueggio ro segno;
40Passà chiu innanzi, e chi fermo ro pè
M'areccomando a vui steue con Dè.

Ve manda esto papè,
Cristoffa, che Zabata se fà di
Dro sesto meixe a chinze de puoe Arui.

45Da ra gran Cittè, chi
E' in egua, e tra re figie a se puoe mette,
Dro mille cinquecento Oittanta sette.