Sa mont lè ben bel

Da Wikisource.
Jump to navigation Jump to search
ladino

Melchiore Colleselli S Sa mont lè ben bel Intestazione 19 maggio 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT


Sa mont lè ben bel.

Sa mont lè ben bel

Da ste bande lè ben bel,
no né degò de tal mont
che rùe fin sal ziel.
No se finis mai pi de i vardà
a ste mont cusi aute,
lè proprio na rarità.
Non dut intor de ste mont
bele verde o da bosch
da n zima fin xun font.
On ben incia crode
aute che fas spavent
con chi spiz sun dute le mode.
Lè la Zuita, la Montagna e l Crot,
Sas biench e Mont de val,
lè cheste cusi da banda de sot.
De là lè Versal,
pi insù la Lastìa e Croda rossa,
e po lè Palla dal sal.
Fin de Xugn no se pol xi su,
sun ste crode cusi frede
lè la nef ncora n toch n xu.
Per esempio ntal Crot,
che mi el vede ogni di,
lè la nef tan de sora che de sot.
Versal lè ncora pi aut.
Se abadè ben d istà,
vede le pegorare sun chel saut.
E po lè la Lastia,
lè incia na granda croda,
lassù lè incia na ostaria.
E Croda rossa che i varde ogni di,
la fa aspetto, massima co l sol va a fiorì.
Palla dal sal la da esser incia bella,
se vede a varda su,
mi no son mai xu sun chella.
E po lè Naolào
na mont tant nominada
per esempio incia Giao.
I prai da mont jè ben biei,
sun ste mont lè n piazer,
come sun Piezza e sun Melei.
Xal pe del dut lè Zopei,
e po lè Porre, Val ciarnara
e su insom lè i masarei.
L mes d Agosto duc va su,
sa mont a siè
e no se volesse pi vigni xu.
De domenie da sera le allegria,
se ride, se scherza,
no se pensa pi a nia.
Da da sera se binon
de dies o dodes xovign
e xon a seccà Ostazon.
Sa mont lè bel a fa na ridata
entel fen coi suoi amizi
ma pi bel lè con na tosata.
 

Melchiore Colleselli.