Sorrirs e Larmas (1907)

Da Wikisource.
Jump to navigation Jump to search
romancio

Gian Fadri Caderas 1907 S Indice:Decurtins - Rätoromanische chrestomathie, VIII.djvu Sorrirs e Larmas Intestazione 17 febbraio 2016 25% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT


[p. 275 modifica][p. 7] O fain del bain!

O fain del bain, del bain adüna,
A chi colpieu da difortüna
          Ho bsögn d' agüd! …
[p. 8] Chi ais sulet in noscha via,
5 Ho fam e fraid e grand fadia
          Mê nun smanchain!
Als povers orfens sainza guida
Da cour güdain; da quel chi crida
          Amihs restain!
10 A chi malo in greiva ura,
Privo da tout in let dolura,
          Balsam portain!
Pratchain vers tuots beneficenza,
Vers noss confrers bunted, clemenza,
          15 Virtüds del tschel!
Il fand del bain il cour esulta,
Ed our dal bain be bain resulta
          Per chi fo bain!

[p, 20] Notturno.

Mantel blovaint semno da stailas vivas
Spand' in la val solenna pêsch e pos;
Brillan tres glatsch del En las fraidas rivas;
Nel god ils gnieus sun müts, abbandunos.

[p. 276 modifica]



5 Tuot ais silenzi; uoss' in pêsch tout dorma;
Be la dolur tres la valleda vo;
Sula, suletta crida pü d' ün orma;
Bain fortüno chi auncha larmas ho!

Ura notturna, … pêsch per tuots tü porta,
10 Spraunza, sorrir, aurora da dalet!
E tü natüra, uossa, fraida, morta,
Porta bain bod eir fluors suot ogni tet!

[p. 24] Viola.

Viola mia, tü diletta,
Tü flur del pro!
Tü hoz perfümast ma stüvetta,
Dalet prüvo!
5 Tü üm'la figlia d' ma valleda.
Tesori cher,
Cha prümavaira ais turneda,
Vainst annunzier.
Scu nell' öglieda d' cher' amia,
10 Eau guard sün te!
E que chi cling' in orma mia.
At dir nun se!

Oda, cu dutsch favellan
Las stailas nel azzur!
Guarda, in pumpa brillan
Ils pizs in lur candur!
5 Bella la glün' appera,
Semnand intuorn argent,
Bütscha il flüm e l' era
Da fluors nun mouva vent.
Calm' ais la not e püra.
10 Pêsch dutsch' a ricreer;
Calma scu' n la natüra
Possa in cour avder!

[p. 277 modifica]

[p. 36] Not estiva.

Solen silenzi; be dalöntsch ün oda
Ürler ün chaun; dell' ov' il lam croder
Fo(r) ir intuorn del vegl mulin la rouda;
Davous la pizza vo la glün' alver.
5 O not seraina, quaida not estiva;
O razs d' la glüna rachamand d' argient
Ils munts, il god, del En la verda riva!
Tü panoram da pêsch il pü stupend!
Süssom la val colur rösin' appera;
10 La vit' as sdasda d' ogni vart darcho;
La lodoletta, alla flur daspera,
Da grazcha chaunt eleva ün prüvo.
Il sain da di resun' in la valleda,
Invida tuots darcho alla lavur . . . . .
15 O not seraina, not da pêsch prüveda,
Be pleds da spraunza brillan nel azzur!


[p. 75] Sun bain otas las muntagnas.

Imitaziun dal spagnöl da Pedro de Padilla.

Sun bain otas las muntagnas
E la semda stippa zuond: …
Las fontaunas büttan ova,
Crouda tuot nel mer profuond.
5 Mamma, mamma, chera mamma,
Oda, chera, mieu favler!
Sün quell' ota, güzza pizza
Get ün di l' amih mieu cher.
Eau' l clamet pü d' üna vouta;
10 Ch' el turness da cour rovet.
Ma pürmemma, chera mamma,
Sün mieu clam el nun turnet!
Sun bain otas las muntagnas
E la semda stippa zuond! . . . .
15 Mamma, mamma, chera mamma,
El nun ais pü da quaist muond! …

[p. 278 modifica]

[p. 78] Alla melanconia.

(Suainter Lenau.)

Sentimentel' melanconia,
Cun me chaminast di per di,
Cur mia staila bella brilla,
E cur svanida ell' ais vi.
5 Tres val e munt tü m' est cumpagna,
Nels lös cha l' evla soul 's placher!
Inu' cha' l flüm scruschind as bütta,
Il vent ils pins fo ferm scruller.
Als chers defunts m' impais allura
E sosamaing eau crid sulet;
10 Ma conturbleda fatsch' as sbassa
E quaida posa sün tieu pet.

[p. 79] Serenada.

(Suainter Juan Del Encina.)

Sto sü, tü ameda,
Pü lönch nun dormir!
Ais l' ur' arriveda,
Dalöntsch stovains ir.
5 Las … s-charpas a chesa
Poust, chera, lascher;
Tres ova, tres greva
Stovains nus passer.
Tres l' ova profuonda
10 Del flüm stovains ir;
Dalöntsch tü ma bella,
Cun me stoust fügir!


[p. 91] Seguond Musset.

Schi, femnas, que cha dir ün possa,
Avais vus il fatal podair,
D' sdasder nel fuonz dell' orma nossa
Algrezcha pür' u displaschair.
5 Schi, be duos pleds, il stess silenzi
Ün sguard distrat u beffadur

[p. 279 modifica]

Porter paun aint nel cour chi s' ama
Sco da stilet ferid' allur'.
Immens stu esser vos orgöli;
10 Perche be tres vos vil agir,
Vossa potenz' ünguott' uguaglia,
Ourdvart vos fragil fer e dir.
Ma tuot podair in terra moura
Cur memma grand' and ais l' amur;
15 Cridand, da vus as lontanescha
Chi tascha, so soffrir dolur.
Qualunque mel cha el indüra
Sa trista part pü bella ais.
Eau preferesch nossa tortura
20 A vos manster chi d' boja ais.