Ta-pù, lu trumbone d'accumpagnamente/Ha scappate Mariucce
 |
Questo testo è completo. | |
| ◄ | La Dumeneche de le Palme | Lu pranze di Natale | ► |
I
— Carmène, a dova vì? Che sciagurate!
ne’ vide ca mo pirde la suttane?
Picchè ’ssa furie? Nen pu’ fa’ cchiù piane?
4— Zitte! Àjja corre, ca se n’à scappate
Mariucce di zâ Cole la Pacchiane!
— Uh maramè! ’Nche chï? — Nche Dïadàte
lu Preturèse. — E a do’ se l’à purtate?
8Ma ci-à vulute nu core di cane!
GEsù e Marì’ a che munne ci truvème!!
Na vèdeve che scappe, n’ci si crede!
11La facce a do’ le te’, a li calicàgne?!
— ’I rraggione, cummà’, na riparlème.
Ma famme j’a vedè’ che sta a succede’.
14— Aspìtteme, Carmè’, ca t’accumpagne...
II
— Leste, cummare, svelte ’nche ’ssa cianche.
— Aspìtteme, Carmè’, nen curre’ tante:
tu, ngrazie a Ddì, mi pere na brihànte,
18ma i’ so’ vvecchie e po’... ’mmezz’a ’stu fanche...
— Ca pure i’ mi stregne a li sessante!
’Nci viste, Mariandò’, li cirre bianche?...
— Carmène, ma st’affare... Parle franche,
22fosse na gabbature? Che sci sante!...
— Uh, maramè, cummare, che sti’ ddire?
Chi me l’à ditte a me è na parente;
25già, ne’ le sti’ a vedè’?... Pare na fìre!
— O Ddie! Ci sta tutte lu paise!
Quanta curiusità!... Che mala ggente!
28Quanta pettegulezze!... Sciata ’mpise!
III
— ’Nt’alluntanà’, Carmè, jàma vvunìte.
famme passà’, cummare Niculette...
povera mamme! Addove sta zâ Rite?...
32— Mene, zâ Mariantò’, nen te li mette
’ssi trìdici pinzìre. Mu è finite!
Che c’è di male ca na giuvinette
scappe ’nche nu ciavàrre di marite?!
36— Che bella cose! ’Mpuzzinita vrette!...
— Iamme, za’ ’Ntonie, nen fa’ tanta mosse...
mu j’steme a richiamà li renelùne!...
39La femmene è gnì la liva ’ndosse,
che sa da’ curà’ preste, a la mancanze,
ca se tu aspitte ca rifà la lune,
42s’annacquanisce e fa dulè’ la panze!...
IV
— La live?... È na mamme di famije!
na vèdeve! ’N s’è manche arefreddàte
lu povere marite! Svergugnàte!
46se’ mise che s’è morte! Lu cunije
une ne lasse e n’àvetre ne pije.
Bella figure! Bella nnumenàte!
— Mene, zâ ’Ndò’, ca s’avè’ maritate?
50quand ela puverelle nen te’ fije?!
— Nen te’ li fije? E che vulisse dire?
E già! steng’a sintì na cosa nove!
53pover’a... vvu’!... Ve pozze bbenedire...
— Iamme, zâ Mariantò’, nen te fa’ mastre,
ca la galline che n’à fatte l’ove,
56zâ Mariantò’, è sempre na pullastre!
V
— Madonne!... Patre Fije e Spirdesante!
Che brutte munne a ’st’èpuca nuvelle!...
Carmène, sci le ’ntese a ’sta brihàte?!
60— Già, s’à scandalizzate!... Uh puverelle!...
l’accècche lu ditucce? Manche tante!...
— A me ’sse cose!... Guè, brutta ciantelle!
’N facce a zâ Mariantonie di Giahànte
64n’ci sta che ddire. — Guè!... che santarelle!...
ca nen t’à capitate! — O che sci ’ccìse!
sci la fije di Menche e tant’abbaste...
67E che cci-û dire?... Làsseme, Luìse,
affàmmeje strippà’, ’ssi ddu’ canute.
— Marndònie, a quisse vu’ tuccà’ ’ssu taste?...
70Jame, cummà’... ti puzze la salute?...
VI
Jame, ch’è scorte chelu tempe belle,
piene di ’ducazione e di rispette,
e quande si vedè’ nu vicchiarelle
74ti sentive tremà lu core ’n pette.
Mo se ne scappe! Scappe ’ssi ciuvette
e dice ca sta a ffà na cose belle!
Mo avess’ariscì fràteme, Richette:
78na notte, me ne dese di friselle!
Li strille! Le mazzate! Li ’ccidente!...
Ca si vulè’ cagnà’ pure lu nome!...
81Pecchè? C’avè’ calàte nu mumente
fore la porte a farme na parlate
’nche ’Ntonie me’, che è nu galantome,
84e tant’è vere che mi s’à pijate!...
VII
Pecchè? Ci stave n’âtru sentimente:
lu patre avè’ da esser’ubbidite?
Si ubbidè’! Le cose pruibbite
88n’si putè fà’. Savàme n’âtra gente.
Se tu vulìve fà’ lu celle-vente,
e chï te le luvàve nu partite?
Ma... ne truvìve cente di marite,
92nen t’à piaciute e pure stî cuntente!...
— È lu vere, commare, ’i raggione
pe’ lu marite e, si pô dire ’nnanze,
95n’ci-àje tenute ma’ la passïone;
ma intante, se me vajje a ffà’ lu cunte,
avesse fatte une la crïanze
98di dirme: che bell’ùcchie che ti’ ’n frunte!
VIII
De’ rreste, ’n grazie a Ddie, vôte e riggire
nu l’aveme stricciate ’sta quatrije.
Mo pe’ ’sta ggiunventù è lu pinzire!
102Sinte, Carmè’, tu pure ti’ na fije,
si chiame Rose e... quelle è nu gije...
Ma, se ne’ sbaje, Pitre di la Fire
va ’nturnïènne gna fa la muschije.
106Carmène, attente a quacche dispiacire...
— Zitte, cummare, ca me n’àj’accorte!
Vajje facenne gnî nu cacciunelle,
109nen ddorme cchiù pe’ ddoselà la porte...
Ma... se lu Cele a quelle l’à chiamate...
se proprie te’ lu ’mberne a li cervelle...
112cummara me’... na piante e na magnate!