Um e dunna

Da Wikisource.
romancio

Anton Casanova Um e dunna Intestazione 23 ottobre 2015 25% Da definire

Um e dunna : (dialog)


Um e dunna.

(Dialog.) *) <poem> Dunna (persula): Strusch ha l' ura las quater giu detg, Ch'jeu hai bandunau miu lêtg. Vai schon mulschiu las cauras, Schegiè ch' erel cun auras; Dau de magliar allas nuorsas E fatg autras biaras cuorsas. Hai fatg quer ils truffels dil engarscheun E suenter ils urteis dil envarneun. Vai scuau stiva e tut schubergiau, Aber tgi sa, nua stat oz il miu Clau Sch' el ei mo bucca daus en fussau, Curch' el vi sin pantun ha passau. (Si pigl um) Mo miu bien Clau, Tschontscha empau. Pertgei eis Ti oz schi blaus Sco latg sgarmaus? Tgei has ti po mai fatg? Forsa spons il latg?

  • ) Bemarca. II dialog cheusura ei ina lavur de signur plevon

Anton Casanova de Vrin, staus 23 onns farrer a Trun e morts leu ils 19 d' Avrel 1895. El ei vegnius presentaus cun autras producziuns theatralas avon entgins ons il tscheiver dil Chor viril a Trun. Igl autograf sesanfla en possess dil publicatur. (Publicau da P. A. Vincenz.) — 153 — Um (sgratta il tgau): Gie! Jeu vai mulschiu sco entruras Et era buentau a bunas uras; Dau lu ord la sadiala De beiber alla vadiala, Mirau ch' il bov segi rentaus E mess ella brenta il latg ch' era vanzaus. Mes si dies ils barschauls en crusch E fatg si pil esch ina sontga crusch. Lura sundel jeu jus tra la neiv Tochen giudò tier la seif; Sur quella fetschel in segl e dundel della neiv vi, E cheu ei igl uvierchel seglius si. Jeu vess pudiu bargir, Curch'jeu vesevel a buglir Miu latg leu giun pleun, Spons da miu agien meun! Dunna: Tgei gida ttssa Tiu bargir? Schevas star de seglir! Tgei munglavas Ti lapun, Cun Tias combas de pisun, Cheu seglir sc' in stuom E ruclar per la neiv entuorn? Um: Jeu level buc' ira per la via vi E vegnir a casa pêr de miezdi! Savillas gie mintga dameun, Ch' jeu laschi mai ir' ord da meun. Dunna: Va ussa cul latg giun tschalè Jeu vai schon pinau il curtè. Dameun sas Ti tez chischar Cul latg che Ti has schau mitschar, E sas tez far il migniuc Ti pauper, miserabel gnuc! — 154 — Um: E fuss ussa tems de calar Cun Tiu adina saviiar. Jeu savess era numnar, si ina gada, Ei era schon onn avon St. Gada, Che Ti has bets la groma giuu pleun Stagl far ordlunder pieun. Dunna: Ti has ina memoria sc' in cavagl, Sch' in fa ina gada in sbaigl. Spargna empau, Ti nausch bagatt, Enstagl de fimar ton tubac. E Ti vessas gl' Atun danès E buc' adina en casa ils saltès! Um: Jeu vai bucca duvrau ton per tubac, Sco ti eunc ussa per Tiu pac. Paga Ti pia Tes tschupials, Piz, pindels et anials, E jeu paghel lu er' il miu Et ussa quescha tgiu! E sch' ei fuss bucca memia baul, Sche less jeu gleiti zitgei de caul. La tscheina ded jer sera Ei schon ditg giud stadera. Empau truffels ed ina suppa Grischa sc' ina stuppa Ein gleiti cavigliai Et era gleiti tuchiai. Dunna: Cun Tei sai jeu oz far nuot; Oz eis schon marvegl in savilut; Propi bunamein nars, Sco sche Ti havessas schon buviu vinars! (va giu.) Um: Aschia ein las femnas! Tegn ins pêtg ad ellas, sto in esser in stuorn, Dat ins suenter ad ellas, sche fan ellas eunc pli de stuorn.