Üna saira sun eau sto

Da Wikisource.
Jump to navigation Jump to search
romancio

Andrea Vital 1908 U Üna saira sun eau sto Intestazione 22 febbraio 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Scarica in formato ePub Volkslieder 50%.svg  di Autori vari

50.

(Annalas XI, Vital, p. 164 — 166.)

Üna saira sun eau sto
In ün zardin ün po fermo;
Lò he vis, lò he vis
O che bellas rösas!

5 Tuottas dad ün cotschen … fin,
O che dalettus zardin!
O che bel, o che bel,
O che bellas rösas!

Ma stand lò eir a guarder,
10 Tuot suspais a' m impisser,
Schi rivet, schi rivet
Üna frizza granda.

E quella m' ais arriveda
In mieu cour 'na tal fureda,
15 Sco ün tschierv, sco ün tschierv,
Cur ch' el vain ferieu

Dal chatscheder, ch' ais ün hom,
Tira üna balla d' plom,
Fermamaing, fermamaing
20 Resta lò ferieu.

Per ils gods con grand turmaint
Vo el derasand sieu saung,
Surportand, surportand
Tuot la sia fadia.

25 Usche ais la mia dolur
Tanta granda in meis cour!
Pover me, pover me,
Povra vita mia!

Eu he roba, he daner,
30 Ed ünguotta po güder
Per guarir, per guarir
La mia grand' ferida.

Chi so, scha quella ch' eau am
Ho sieu cour scu' l diamant?
35 Nun poss pü, nun poss pü
Supporter tel painas.

O vus chers utschellets,
Tuot svanieus sun mieus dalets,
Transportos, transmüdos
40 Sun in painas grandas.

Nun chantè per allegrer
Quella, chi nu' m voul amer,
Per la mia, per la mia
Granda disfortüna.

45 Ma tar quella vögl eu ir,
Quaists duos pleds la vögl eu dir:
Meis cour alguer e suspürer
Sto per causa tia!

Eau' t giavüsch nu' m der la mort,
50 Ma fo' m viver da cuffort;
Fo' m flurir, fo' m sentir
In mieu cour algrezcha.

Scha tü nu' m voust der cuffort,
Schi giavüscha' m be la mort
55 Per glivrer d' indürer
Painas dolorusas.

Mort, o mort, ve co vicin,
A mieu viver metta fin.
Que ais cler, ch' eu morir
60 Sto per causa tia.